ޓީއެމްއޭގެ މަތިންދާ ބޯޓެއް--
ޓްރާންސް މޯލްޑިވްސް އެއަރވޭސް (ޓީއެމްއޭ)ގެ ބޯޓެއް އެކްސިޑެންޓްވެއްޖެއެވެ.
މިބޯޓު އެކްސިޑެންޓް ހިނގާފައިވަނި މ.އަތޮޅު މެދުފުށީ ރިސޯޓްކައިރިން އެރިސޯޓްގެ ވޯޓާ އޭރޯޑްރޯމްގެ ވޯޓާ ރަންވޭއަށް ޖެއްސުމަށްފަހު، ބޯޓުގެ ވާތް ފަރާތު ފިޔަގަނޑު ރިސޯޓްގެ ފަޅުގައި އަޅާފައިވާ އެހެން އުޅަނދެއްގައި ޖެހިގެންނެވެ.
މިއަދު ހެނދުނު 11:18 ހާއިރު މި އެކްސިޑެންޓް ހިނގިއިރު 14 ފަސިންޖަރުން ތިބިނަމަވެސް، އެއްވެސް މީހަކަށް އަނިޔާއެއް ނުވެއެވެ. ނަމަވެސް ބޯޓަށް ކޮންމެސްވަރެއްގެ ގެއްލުންތަކެއް ލިބިފައިވެއެވެ. އެކްސިޑެންޓް ހިނގާފައިވަނީ ޓީއެމްއޭގެ ޑީއެޗްސީ-6 މަރުކާގެ މަތިންދާ ބޯޓެކެވެ.
މިހާދިސާ ސިވިލްއޭވިއޭޝަނުން ތަޙްގީގްކުރަމުން އަންނަކަމަށް އެއޮތޯރިޓީން ވިދާޅުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ