އެސްޓީއޯއިން ރާއްޖޭގެ ރަށްރަށުގައި ހިންގާ ފާމަސީތަކަށް ބޭނުންވާ މީހުން ތަމްރީންކުރުމަށް ސްކޮލަރޝިޕްގެ ފުރުސަތު ހުޅުވާލައިފިއެވެ.
އެސްޓީއޯއިން ސްކޮލަރޝިޕްގެ ފުރުސަތުދެނީ މޯލްޑިވްސް ނޭޝަނަލް ޔުނިވަރސިޓީގެ ފެކަލްޓީ އޮފް ހެލްތް ސައިންސްގައި ކުރިއަށްދާ އެޑްވާންސް ސެޓްފިކޭޓް އިން ފާރމަސީ ކޯހުގެ ލެވެލް 4 ގައި ބައިވެރިވުމަށެވެ. މި ކޯސް ފަށާނީ އޮގަސްޓް މަހުގައެވެ. 1 އަހަރު ދުވަހުގެ ނިޔަލަށް ކުރިއަށްދާ މި ކޯހުގައި ލިވިންގ އެލަވަންސްއާއި ކޯސްފީވެސް ދައްކައިދެނީ އެސްޓީއޯއިންނެވެ. މި ސްކޮލަރޝިޕަށް އެދި އަންނަ މަހުގެ 4 ވަނަ ދުވަހުގެ ކުރިން ފޯމު ހުށަހަޅަންޖެހެއެވެ.
ފޯމު ހުށަހަޅަންޖެހެނީ އޮންލައިންކޮށް އެސްޓީއޯއަށެވެ. ކޯސް ފުރިހަމަކުރުމުން އެސްޓީއޯއިން އަތޮޅުތެރޭގެ ރަށްތަކުގައި ހިންގާ ފާމަސީތަކުގައި މަސައްކަތްކުރުމުގެ ފުރުސަތު އެސްޓީއޯއިން ދޭނެއެވެ. އެގޮތުން 85 ރަށެއްގައި ހިންގަ ފާމަސީތަކުން ފުރުސަތު ދޭނެކަމަށް އެސްޓީއޯއިން ބުނެއެވެ. މި ރަށްތަކުގެ ތެރޭގައި އައްޑޫ ސިޓީ އާއި ފުވައްމުލައް ސިޓީ ނޫން ހުރިހާ އަތޮޅެއްގެ ފާމަސީތައް ހިމެނެއެވެ.
އެސްޓީއޯއިން ވަނީ ރާއްޖޭގެ މީހުން ދިރިއުޅޭ ކޮންމެ ރަށެއްގައި ފާމަސީގެ ހިދުމަތް ދޭން ފަށާފައެވެ.