އިގިރޭސިވިލާތުން ރާއްޖެއަށް އައި އިތުރު ދިވެއްސަކު ކޯވިޑް-19އަށް ޕޮޒިޓިވްވެ މިބައްޔަށް ޕޮޒިޓިވްވި ދިވެހިންގެ ޢަދަދު 4އަށް އަރައިފިއެވެ.
އެޗްޕީއޭއިން ވިދާޅުވީ، ވެލިދޫ އައިސޮލޭޝަން ފެސިލިޓީގައި އައިސޮލޭޓް ކޮށްފައިވާ ދިވެއްސެއްގެ ފަރާތުން ކޯވިޑް-19ގެ ޢަލާމާތްތައްފެނި، އޭނާގެ ސާމްޕަލް ނަގައި، ހެދި ޓެސްޓުގެ ނަތީޖާ ޕޮޒިޓިވް ވެފައިވާކަމަށެވެ. އިނގިރޭސި ވިލާތުން އެނބުރިއައި މިމީހަކީ، މި ބައްޔަށް ޕޮޒިޓިވްވި 4 ވަނަ ދިވެހި މީހާއެވެ.
މިމީހާޔާއެކު ރާއްޖެއިން ކޯވިޑް-19އަށް ޕޮޒިޓިވްވި މީހުންގެ ޢަދަދުވަނީ 19އަށް އަރާފައެވެ. މިހާތަނަށް ރާއްޖެއިން ބަލި ޖެހުނު 13 މީހަކު ބަލިން ރަނގަޅު ވެފައިވާއިރު، ބައްޔަށް ފަރުވާދެމުންދަނީ ދިވެހި 4 މީހުންނަށެވެ.
ރާއްޖޭގައި ކޯވިޑް-19އަށް ޝައްކުކުރެވޭ ޢަލާމާތްތަކެއް ހުރެގެން މިހާތަނަށް ވަނީ 1137 ސާމްޕަލް ނަގާފައެވެ. މީގެ ތެރެއިން 1114 ސާމްޕަލްގެ ނަތީޖާ ކޯވިޑަށް ނެގެޓިވް ވެފައިވާއިރު، ޕޮޒިޓިވް ވެފައިވަނީ 19 މީހެކެވެ. މިހާތަނަށް ނަތީޖާ ނުލިބި 5 ސާމްޕަލެވެ.
ކޯވިޑް-19އަށް ރާއްޖެއިން ޕޮޒިޓިވްވެފައިވާ މީހުންގެ ތަފާސްހިސާބު
- 7 މާރޗް 2020ގައި ކުރެއްދޫ އިން 2 މީހުން
- 9 މާރޗް 2020ގައި ބަތަލާ ރިސޯޓުން 2 މީހަކު
- 9 މާރޗް 2020ގައި ކުރެއްދޫއިން އިތުރު 2 މީހަކު ޕޮޒިޓިވްވެއްޖެ
- 11 މާރޗް 2020ގައި ކުރަމަތި ރިސޯޓުން 2 ބިދޭސީއަކު
- 13 މާރޗް 2020ގައި އަނަންތަރަ ދިގު ރިސޯޓުން 1 ބިދޭސީއެއް
- 14 މާރޗް 2020ގައި ކުރެއްދޫއިން 1 މީހެއް
- 15 މާރޗް 2020ގައި އަންނަތާރާ ދިގު ރިސޯޓުން 1 މީހަކު
- 15 މާރޗް 2020ގައި އައިލެންޑް ސަފާރީން 2 މީހެއް
- 27 މާރޗް 2020ގައި އިގިރޭސިވިލާތުން ރާއްޖެއައި ދިވެއްސެއް
- 27 މާރޗް 2020ގައި ރާއްޖެއިން ފުރައިގެންދިޔަ އިޓަލީ 2 މީހެއް
- 29 މާރޗް 2020ގައި އިގިރޭސިވިލާތުން ރާއްޖެއައި ދިވެއްސެއް
- 31 މާރޗް 2020ގައި އިގިރޭސިވިލާތުން ރާއްޖެއައި ދިވެއްސެއް
- 01 އޭޕްރީލް 2020ގައި އިގިރޭސިވިލާތުން ރާއްޖެއައި ދިވެއްސެއް
ބަލިޖެހިގެން ރަނގަޅުވި މީހުން
- 20 މާރޗް 2020ގައި 2 މީހެއް
- 21 މާރޗް 2020ގައި 1 މީހެއް
- 23 މާރޗް 2020ގައި 2 މީހެއް
- 25 މާރޗް 2020ގައި 3 މީހެއް
- 26 މާރޗް 2020ގައި 1 މީހެއް
- 28 މާރޗް 2020ގައި 2 މީހެއް
- 29 މާރޗް 2020ގައި 2 މީހެއް
ބަލިޖެހިގެން ފަރުވާ ދެމުންދަނީ ދިވެހި 4 މީހަކަށެވެ. ކޯވިޑް-19 އިތުރަށް ރާއްޖޭގައި ފެތުރުނަނުދީ ކޮންޓްރޯކުރުމަށް ސަރުކާރުން ދަނީ މުހިންމު ފިޔަވަޅުތަކެެއް އަޅުއްވަމުންނެވެ. އެގޮތުން މާދަމައިން ފެށިގެން ކޮންމެ ދުވަހެއްގެ ހަވީރު 5އިން 8އާދެމެދު ބޭރަށް ނިކުމެ ނޫޅެވޭގޮތަށް މާލެ ސަރަހައްދަށް ވަނީ އަމުރެއް ނެރެފައެވެ.