ހުޅުމާލޭގައި ތިން ފަތުރުވެރިއަކަށް ޙަމަލާދިން މައްސަލަ އާއި ގުޅިގެން 2 މީހަކު ފުލުހުންގެ ބެލުމުގެ ދަށަށް ގެންގޮސްފައިވާކަމަށް ފުލުހުން ވިދާޅުވެއްޖެއެވެ.
އެމައްސަލަ އާއި ގުޅިގެން ދެމީހަކު ފުލުހުންގެ ބެލުމުގެ ދަށަށް ގެނައިކަން ހާމަކުރުން ފިޔަވައި އިތުރު މައުލޫމާތެއް ފުލުހުން އަދި ހާމައެއް ނުކުރައްވައެވެ.
މިދިޔަ އަންގާރަދުވަހުގެ ރޭ ހުޅުމާލޭގައި ވަޅިން ޙަމަލާދީ ޒަޙަމްކޮށްލާފައިވަނީ ޗައިނާގެ ފަތުރުވެރިއަކާއި ރާއްޖޭގައި މަސައްކަތް ކުރާ ބިދޭސީ ދެމީހަކަށެވެ.
މި މައްސަލަ އާއި ގުޅިގެން ފުލުހުން ނެރުއްވި ބަޔާނުގައި ވިދާޅުވެފައި ވަނީ އެ ޙަމަލާއަކީ ހަރުކަށި ފިކުރަށް ނިސްބަތްވާ ބަޔަކު ހިންގި އަމަލެެއް ކަމަށް ތުޙުމަތުކުރެވޭކަމަށެވެ.
އަދި އެ ޙަމަލާގެ ޒިންމާ އުފުލާކަމަށް މީހަކު ބުނާ ވީޑިއޯއެއް މީސްމީޑިއާގައި ދައުރުވަމުން ދާއިރު އެވީޑިއޯގެ މައްސަލަވެސް ތަޙުޤީޤު ކުރައްވަމުން ގެންދަވާކަމުގައި ފުލުހުން ވަނީ ވިދާޅުވެފައެވެ.
ހުޅުމާލޭގައި އަންގާރަދުވަހު ވަޅިން ހަމަލާދީ ޒަޚަމްކޮށްލި މީހުންގެ ހާލު ގަވައިދުން ބަލަމުން އަންނަކަމަށް ފުލުހުން ވިދާޅުވެއެވެ.
އަދި މިމައްސަަލަތައް ސީރިއަސް މައްސަލަތަކެއްގެ ގޮތުގައި ފުލުހުންގެން ދަނީ ތަޙުޤީޤުކުރައްވަމުންނެވެ.