ހޮންގްކޮންގް އެއަރލައިންއިން ރާއްޖެއަށްކުރާ ދަތުރުތައް އިތުރުކުރުމަށް ނިންމައިފިއެވެ.
ހޮންގްކޮންގް އެއަރލައިނުން މިހާރު ރާއްޖެއަށް ކުރަނީ ހަފްތާއަކު 3 ދަތުރެވެ. ނަމަވެސް ހަފްތާއަކު 4 ދަތުރުކުރުމަށް އެ އައަރލައިނުން މިހާރު ވަނީ ނިންމާފައެވެ.
2018 ވަނަ އަހަރުގެ ޖަނަވަރީ މަހުން ފެށިގެން އެ އެއަރލައިނުން، އަންނަނީ ހޮންގްކޮންގް އިންޓަނޭޝަނަލް އެއަރޕޯޓުން ވެލާނާ އިންޓަނޭޝަނަލް އެއަރޕޯޓަށް ކޮންމެ ހަފްތާއެއްގެވެސް އަންގާރަ، ބުރާސްފަތި އަދި އާދިއްތަ ދުވަހު ދަތުރުތައް ކުރަމުންނެވެ. ނަމަވެސް އެ އެއަރލައިނުން ރާއްޖެއަށްކުރާ ދަތުރުތައް އިތުރުކުރުމަށް ނިންމުމާއެކު މިއަހަރުގެ ޑިސެމްބަރު މަހުގެ 7 ވަނަ ދުވަހުން ފެށިގެން ކޮންމެ ހަފްތާއެއްގެ ހޮނިހިރު ދުވަހުވެސް އެ އެއަރލައިންގެ ދަތުރުތައް ރާއްޖެއަށް ކުރާނެއެވެ.
ހޮންގްކޮންގް އެއަރލައިނުން ޗާޓަރ ފްލައިޓްތައް ފަށާފައިވަނީ 2011 ވަނަ އަހަރުގެ ތެރޭގައެވެ. އެ އެއާލައިން އިން ރާއްޖެއަށް ދަތުރު ކުރަން ބޭނުންކުރަނީ އެއާބަސް އޭ 300 އާއި އޭ 330ގެ މަތިންދާ ބޯޓުފަހަރެވެ.
ހޮންގްކޮންގް އެއާލައިންއަކީ ޗައިނާ ޓޫރިސްޓުންގެ މެދުގައި އެންމެ މަޤުބޫލު އެއް އެއަރލައިނެވެ. ޓޫރިޒަމް މިނިސްޓްރީގެ ތަފާސްހިސާބުތައް ދައްކާ ގޮތުގައި މި އަހަރުގެ މިހާތަނަށް ޗައިނާއިން ރާއްޖެއަށް 172،834 ފަތުރުވެރިން އައިސްފައިވެއެވެ.