ހުޅުމާލެ ފުރަތަމަ ފިޔަވަހީގައި ދެން ސަރުކާރުގެ އެއްވެސް ސޯޝަލް ހައުސިންގ ޕްރޮޖެކްޓެއް ނުހިންގާނެކަމަށް ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ)އިން ވިދާޅުވެއްޖެއެވެ.
ހުޅުލެއާއި ގުޅިފައި އޮތް ބޮޑު ފަޅުން 188 ހެކްޓްރަުގެ ބިން ހިއްކައިގެން އުފެއްދި ހުޅުމާލޭގައި މިހުން އާބާދުވާން ފެށީ 2004ވަނަ އަހަރުއެވެ. 1ސްކޫލާއި، 1މިސްކިތާއިއެކު 2004ވަނަ އަހަރުގެ މެއި މަހުގެ 12ވަނަ ދުވަހު ހުޅުމާލެއަށް ބަދަލުވީ 200 ޢާއިލާއެވެ. އެއީ ގާތްގަނޑަކަށް ހާހެއްހައި މީހުންނެވެ.
ރޭވިގެން ޚާއްސަ ޕްލޭންތަކާއިއެކު ރާއްޖޭގައި ފުރަތަމަ ތަރައްޤީކުރި ރަށަކީވެސް ހުޅުމާލެއެވެ. ހުޅުމާލޭއަށް ފުރަތަމަ މީހުން ބަދަލުކުރުމަށް އެރަށުގައި އަޅާފައިވަނީ 210 އެޕަރޓްމެޓްގެ ފްލެޓާއި، 120 ލޭންޑް ޕްލޮޓެވެ. އަދި ވިޔަފާރިއަށް 34ޔުނިޓްވަނީ ދީފައެވެ.
ހުޅުމާލެގައި މީހުން އާބާދުވިތާ 15 އަހަރު ވެފައިވާއިރު ހުޅުމާލޭގެ އާބާދީ 50ގުނަވަނީ އިތުރުވެފައެވެ. މިހާރު ހުޅުމާލޭ ފޭސް 1ގައި ދިރިއުޅެމުން އަންނަ މީހުންގެ އަދަދު 50،000އަށްވުރެ މައްޗެވެ.
ހުޅުމާލޭ ތަރައްޤީކުރުމު އެންމެ ބޮޑު ބޭނުމަކީ އަތްފޯރާ އަގުގައި އާއްމުންނަށް ސޯޝަލް ހައުސިންގ ފޯރުކޮށްދިނުމެވެ. މިހާރު ހުޅުމާލޭގައި ތަރައްޤީކޮށްފައިވާ ސޯޝަލް ހައުސިންގެ ޢަދަދު އުޅެނީ 5000އަށްވުރެ މަތީގައެވެ.
ޕީއެސްއެމް ނިއުސްއާ ވާހަކަދައްކވަަމުން ހައުސިންގ ޑިވެލޮޕްމަންޓް ކޯޕަރޭޝަން އެޗްޑީސީން ވިދާޅުވެފައިވަނީ ހުޅުމާލޭ ފޭސް 1ގައި ދެން އެއްވެސް ސޯޝަލް ހައުސިންގގެ މަޝްރުޢުއެއް ސަރުކާރުން ކުރިއަށް ނުގެންދާނެކަމަށެވެ. ހުޅުމާލެއިން އެންމެ ފަހުން ސޯޝަލް ހައުސިންގ ދޫކޮށްފައިވަނީ މިދިޔައަހަރުއެވެ. އެންމެ ފަހުން ހުޅުމާލޭގައި ތަރައްޤީކޮށްފައިވަނީ މިދިޔަސަރުކާރުން ދޫކުރި 700ހައުސިންގ ޔުނިޓެވެ.
އެޗްޑީސީން ވިދާޅުވީ ހުޅުމާލެ ފޭސް 1ގައި ދެން ސަރުކާރުގެ އެއްވެސް ހައުސިންގ ޕްރޮޖެޓެއް ކުރިއަށް ނުގެދާނެކަމަށެވެ. މިހާރު ހުޅުމާލޭ ފޭސް 1ގައި ކުރިއަށްގެންދަނީ ހަމައެކަނި ޕްރައިވެޓް ޑިވެލޮޕަރުންގެ ހައުސިންގ މަޝްރޫޢުތަކެވެ.
އެގޮތުން 2016 އާއި 2017ވަނަ އަހަރު ވަނީ ހުޅުމާލޭގައި 1500ހައުސިންގ ޔުނިޓް އެޅުމަށް 20އަމިއްލަ ޑިވެލޮޕަރުންނަށް ދީފައެވެ. އެޗްޑިސީން ބުނެފައިވަނީ މިޕްރޮޖެކްޓްތަކުގެ މަސައްކަތްތައް ނިންމުމަކާއި ގާތްވެފައިވާކަމަށެވެ. އެގޮތުން މިޕްރޮޖެޓްގެ ދަށުން އަޅާ ބައެއް ހައުސިންގް މަޝްރުޢުތައް މިއަހަރު ނިމެނޭނެކަމަށް އެޗްޑީސީން ވިދާޅުވެއެވެ. މި މަޝްރޫޢުގެ ދަށުން އަޅާ 1500 ހައުސިންގ ޔުނިޓްގެ މަސައްކަތް 2021ވަނަ އަހަރު މުޅިން ނިންމާލެވޭނެކަމަށްވަނީ ވިދާޅުވެފައެވެ.
ހުޅުމާލެ ފޭސް 1 ތަރައްޤީކޮށްފައިވަނީ ވީހާވެސް ބޮޑަށް ހުސްޖާގަ ތަނަވަސްވާގޮތަށް، "ޕްލޭންޑް" ސިޓީއެއްގެ ގޮތުގައެވެ. އެގޮތުން ހުޅުމާލޭގައި ޕާކުތަކާއި، ހުސް ޖާގަތައް ހެދުމަށް 50،000 އަކަފޫޓުގެ ސަރަޙައްދުވަނީ ކަނޑައަޅާފައެވެ.
އެޗްޑިސީން ވިދާޅުވެފައިވަނީ ހުޅުމާލޭ ފޭސް 1ގައި ދެން ސަރުކާރުގެ މަޝްރުޢުތައް ކުރިއަށް ނުގެންދާނެކަމަށެވެ. ހުޅުމާލޭގައި ހުސްކޮށް ހުރި ޖާގަތައް ދެން ތަރައްޤީކުރާނީ އަމިއްލަ ވިޔަފާރިތަކުގެ ގޮތުގައިކަމަށްވެސް އެޗްޑީސީންވަނީ ވިދާޅުވެފައެވެ.
ހުޅުމާލޭގެ ޖާގަ އިތުރުކޮށް، މިދިޔަ ސަރުކާރުގެ އެއްފަސް ކުރުމުގެ ސިޔާސަތުގެ ދަށުން ހުޅުމާލޭ 2ވަނަ ފިޔަވަހީގެ ނަމުގައިވަނީ 244 ހެކްޓަރުގެ ބިން ހިއްކާފައެވެ. ފޭސް2ގެ މަސައްކަތް ނިމޭއިރު ހުޅުމާލާލޭގެ އާބާދީ 2ލައްކައަށްވުރެ އިތުރުވާނެކަމަށްވަނީ ބެލެވިފައެވެ. ފޭސް ދޭއްގައި ސަރުކާރުންވަނީ ސޯޝަލް ހައުސިންގެ ބިޔަ މަޝްރުޢުއެއް ފަށާފައެވެ.
ހުޅުމާލޭގެ ޖާގަ އިތުރުކޮށް، މިދިޔަ ސަރުކާރުން ހުޅުމާލޭ 2ވަނަ ފިޔަވަހީގެ ނަމުގައިވަނީ 244 ހެކްޓަރުގެ ބިން ހިއްކާފައެވެ. ފޭސް2ގެ މަސައްކަތް ނިމޭއިރު ހުޅުމާލާލޭގެ އާބާދީ 2ލައްކައަށްވުރެ އިތުރުވާނެކަމަށްވަނީ ބެލެވިފައެވެ. ފޭސް ދޭއްގައި ސަރުކާރުންވަނީ ސޯޝަލް ހައުސިންގެ ބިޔަ މަޝްރުޢުއެއްވެސް ފަށާފައެވެ.