އައްޑު ސިޓީ ގަން ފާލަން މަތިން މޫދަށް ވެއްޓުނު ކާރު- (ފޮޓޯ: އައްޑޫ އޮންލައިން)
ރޭ ހަތަރުގަޑި ތިރީސް ހާއިރު އައްޑު ސިޓީ ގަން
ފާލަން މަތިން މޫދަށް ވެއްޓުނު ކާރު ނަގައިފިއެވެ.
ތިން މީހުންނާއެކު ދުއްވަމުންދިޔަ އެ ކާރު މޫދަށް ވެއްޓުނީ، ދުއްވަން އިން މީހާ
ކާރު ސެޓާ ކުޅެމުން، މަގަށް ދޭންވާ ސަމާލުކަން ނުދީ ކާރު ދުއްވުމުގެ ސަބަބުން
ކަމަށް ފުލުހުން ބުނެއެވެ.
ކާރުގައި އެ ވަގުތު ތިބި ތިން މީހުންނަށްވެސް އަނިޔާ
ނުވާ ކަމަށާއި، ކާރު މޫދަށް ވެއްޓުމާއެކު ކާރުގެ ދޮރު ހުޅުވާލުމަށްފަހު އެ މީހުން
ކާރުން ބޭރަށް ނިކުމެފައިވާ ކަމަށް ފުލުހުން މައުލޫމާތުދެއެވެ.
މި ހާދިސާގައި ކާރަށް އެކިވަރުގެ ގެއްލުން ލިބިފައިވެއެވެ.
ފުލުހުންދަނީ އެ ހާދިސާ ހިނގަން ދިމާވި ސަބަބު
އިތުރަށް ތަހުގީގު ކުރަމުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ