މޯލްޑިވްސް ބިޒްނަސް އެކްސްޕޯގެ މީޑިއާ ޕާޓްނަރަކަށް ޕީއެސްއެމް

އޯރކާ މީޑިއާ ގްރޫޕުގެ، ކޯޕަރޭޓް މޯލްޑިވްސް ބިޒްނަސް އެކްސްޕޯގެ މީޑިއާ ޕާޓްނަރަކަށް ޕީއެސްއެމް ހަމަޖައްސައިފިއެވެ.

މި އެއްބަސްވުމުގައި ޕީއެސްއެމްގެ ފަރާތުން ސޮއިކުރެއްވީ، އިވެންޓްސް މެނޭޖަރ އިބްރާހިމް މަފްތޫހްއެވެ. އަދި އޯރކާ މީޑިއާ ގުރޫޕްގެ ފަރާތުން ސޮއެކުރެއްވީ، ކުންފުނީގެ މެނޭޖަރ އަޙްމަދު ނާސިރުއެވެ.

މި އެކްސްޕޯގެ ޒަރިއްޔާއިން ކުދި އަދި މެދުފަންތީގެ ވިޔަފާރިތަކަށް ވިޔަފާރި ކުރިއެރުވުމަށްޓަކައި ގުޅުން ބަދަހިކުރަންޖެހޭ ފަރާތްތަކާއި ގުޅުން ބަދަހިކުރެވި، ފޯރުކޮށްދޭ ޚިދުމަތްތަކާއި އުފެއްދުންތައް އާންމުންނަށް ދައްކާލުމުގެ ފުރުޞަތު ލިބިގެންދާނެކަމަށް އޯރކާ މީޑިއާ ގުރޫޕުން ބުނެއެވެ. މި އެކްސްޕޯގައި މިހާރު ކުރިއަށްދަނީ އެންމެ ފަހުގެ ތައްޔާރީތަކެވެ.

މިމަހުގެ 29 އަދި 30 ގެ ނިޔަލަށް ދަރުބާރުގޭގައި ކުރިއަށްދާ މި އެކްސްޕޯގައި 80 އިންސައްތަ ސްޓޯލް މިހާރު ވިކިފައިވާކަމަށް އޯރކާ މީޑިއާ ގުރޫޕުން ބުނެއެވެ. މި އެކްސްޕޯއަށް ދާއިރާގެ 1500 އެއްހައި މީހުންނާއި 150 ބިޒްނަސް އެގްޒެބިޓަރުން ޒިޔާރަތްކުރާނެކަމަށް އެ ކުންފުނިން އަންދާޒާކުރެއެވެ.

މި އެކްސްޕޯގެ ތެރެއިން 4 ސަމިޓެއް ކުރިއަށްދާނެއެވެ. އެއީ މޯލްޑިވްސް ޔަންގް އެންޓަރޕްރެނުއަރސް ސަމިޓް، މޯލްޑިވްސް ވުމަން އެންޓަރޕްރެނުއަރސް ސަމިޓް، މޯލްޑިވްސް ޓެކް ސަމިޓް އަދި މޯލްޑިވްސް ފައިނޭންސް ޕްރޮފެޝަނަލްސް ސަމިޓެވެ.