އދ.މަހިބަދޫގެ ގެއަކުން ވަގަށްނެގި ފައިސާ- ފޮޓޯ: ޕޮލިސް މީޑިއާ
އދ.މަހިބަދޫގެ ގެއަކުން ވަގަށްނެގި 46،000 ދިވެހި ރުފިޔާ އާއި 84 ޔޫއެސް ޑޮލަރު ފުލުހުން ހޯދައިފިއެވެ.
ފުލުހުން ވިދާޅުވީ މަހިބަދޫ ގެއަކުން ވައްކަންކުރި މައްސަލަ ފުލުހުންނަށް ހުށަހައަޅާފައިވަނީ އިއްޔެ 17:46 ހާއިރުކަމަށެވެ. އަދި އެމައްސަލާގައި ޝައްކު ކުރެވޭ މީހަކު ފުލުހުންގެ ބެލުމުގެ ދަށަށް ގެނެސް ވަގަށްނަގާފައިވާ ފައިސާތައް ފޮރުވާފައިވަނިކޮށް ހޯދާފައިވާކަމަށެވެ. ފުލުހުން ވިދާޅުވީ މައްސަލާގައި ހައްޔަރުކޮށްފައިވަނީ 25 އަހަރުގެ ދިވެހި ފިރިހެނެއްކަމަށެވެ.
މި ފައިސާ ހޯދާފައިވަނީ މައްސަލަ ހުށަހެޅުނުތާ 7 ގަޑިއިރާއި 30 މިނެޓުގެ ތެރޭގައި ކަމަށް ފުލުހުން މައުލޫމާތުދެއްވައެވެ. އަދި މި މައްސަލަ އިތުރަށް ތަޙްޤީޤު ކުރަމުންދާކަމަށްވެސް ފުލުހުން މައުލޫމާތުދެއްވައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ