މި ސީޒަނަށް ފަހު ކުޅުން ހުއްޓާލައި ދެން ވާން ބޭނުންވަނީ ކޯޗަކަށް ކަމަށް މަޝްހޫރު ފުޓްބޯޅަ ކުޅުންތެރިޔާ ޒަވީ ހަނާންޑޭޒް ބުނެފިއެވެ.
ބާސެލޯނާގައި ކާމިޔާބު ދުވަސްތަކެއް ހޭދަކުރުމަށްފަހު އެކުލަބުގެ ކެޕްޓަން ކުލަބު ދޫކޮށް މީގެ ތިން އަހަރު ކުރިން ބަދަލުވީ ގަތަރުގެ އަލްސާދަށެވެ.
ނަމަވެސް މިސީޒަނަށް ފަހު 36 އަހަރުގެ މިޑްފީލްޑަރު ވަނީ ކުޅުން ހުއްޓާލާނެ ކަން އިއުލާނުކޮށްފައެވެ.
ޒަވީ ކުޅުން ހުއްޓާލުމުން އޭނާ އަށް ބާސެލޯނާގެ އެކަޑަމީގެ ކޯޗުކަން ދޭނެ ކަމަށް ވަނީ ބެލެވިފައެވެ. އޭނާ ވަނީ ބާސެލޯނާ އަށް ހަތަރު ފަހަރު ޗެމްޕިއަންސް ލީގު އަދި އަށް ފަހަރު ސްޕެނިޝް ލީގު ކާމިޔާބުކޮށްދީފައެވެ.
އަދި 2010 ވަނަ އަހަރުގެ ވޯލްޑް ކަޕާއި 2008 އާއި 2012 ވަނަ އަހަރުގެ ޔޫރޯ ކާމިޔާބުކުރި ސްޕޭން ޓީމުގެ އެންމެ މުހިންމު މިޑްފީލްޑަރަކީ ވެސް އޭނާއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ