ރަމަޟާން ބާޒާރާ ގުޅުވައިގެން އެސްޓީއޯ ސުޕަމާރޓުން ގިނައަދަދެއްގެ ކާބޯތަކެތީގެ ހޯލްސޭލް އަގު ހެޔޮކޮށްފިއެވެ.
އެސްޓީއޯ ރަމަޟާން ބާޒާރު ފަށާފައިވަނީ މި މަހުގެ 7 ވަނަ ދުވަހުއެވެ. މި ޕްރޮމޯޝަނަކީ އެސްޓީއޯގެ ފިހާރައިން ރީޓެއިލް އަދި ހޯލްސޭލްކޮށް ތަކެތި ގަންނަ ކަސްޓަމަރުންނަށް ހިންގާ ޕްރޮމޯޝަނެކެވެ.
މިޕްރޮމޯޝަންއާއި ގުޅުވައިގެން އެސްޓީއޯ ސުޕަމާރޓްގެ އަމިއްލަ ބްރޭންޑެއް ކަމަށްވާ "ޗޮއިސް" ބްރޭންޑްގެ ބާސްމަތީ ހަނޑުލާއި ކައްކާތެޔޮ ހޯލްސޭލްކޮށް ވިއްކާ އަގުވަނީ ބޮޑުތަނުން ހެޔޮކޮށްފައެވެ. ހެޔޮކުރި އަގުތަކައް ބަލާއިރު، 430 ރުފިޔާ އަށް ވިއްކި "ޗޮއިސް" ސިލްވާރ ބާސްމަތީ 1 ކިލޯގެ ކޭހެއް މިހާރު ވިއްކަނީ 370 ރުފިޔާއަށެވެ. އަދި 500 ރުފިޔާ އަށް ވިއްކި "ޗޮއިސް" ގޯލްޑް ބާސްމަތީ 1 ކިލޯގެ ކޭސް 450 ރުފިޔާ އަށް އަދި 430 ރުފިޔާއަށް ވިއްކި 5 ކިލޯގެ ކޭހެއް މިހާރު ވިއްކަނީ 400 ރުފިޔާއަށެވެ.
މީގެ އިތުރުން "ޗޮއިސް" ބްރޭންޑްގެ ކައްކާތެލުގެ 1 ލީޓަރު، 2 ލީޓަރު، 5 ލީޓަރު އަދި 18 ލީޓަރުގެ ކޭހަކުން އެވްރެޖްކޮށް 15 ރުފިޔާ އާއި 30 ރުފިޔާ ދެމެދު އަގުހެޔޮކޮށްފައިވާކަމަށް އެސްޓީއޯއިން މައުލޫމާތުދެއެވެ.
"ޗޮއިސް" ބްރޭންޑްގެ އިތުރުން ރޯދަމަހަށް ޚާއްސަކޮށް "އަލްނޫރް" ބްރޭންޑްގެ ހިކި ކިރާއި، "ޖަދީދާ" ބްރޭންޑްގެ މާޖިރީން، "އަލްއައިން" ބްރޭންޑްގެ ޓޮމާޓޯޕޭސްޓްގެ އަގުވަނީ ހެޔޮކޮށްފައެވެ. މީގެއިތުރުން "ފްރަގާޓާ" ބްރޭންޑްގެ އޮލިވްއޮއިލް، "އަންކާރާ" ބްރޭންޑްގެ ޕާސްތާގެއިތުރުން "އަލްސަބާ" ޖޫހުގެވެސް އެސްޓީއޯއިން ވަނީ ހެޔޮކޮށްފައެވެ.
އެސްޓީއޯއިން މައުލޫމާތުދޭގޮތުގައި އަގުހެޔޮކުރެވުނު ހުރިހާ ބްރޭންޑް ތަކަކީވެސް ދިވެހިންގެ މެދުގައި މަޤްބޫލުކަމާއި އިތުބާރުލިބިފައިވާ ބްރޭންޑްތަކެއް ކަމަށާއި އެސްޓީއޯގެ އަމާޒަކީ ރައްޔިތުންނަށް އަބަދުވެސް ހެޔޮއަގުގައި މުދާ ފޯރުކޮށްދިނުންކަމަށެވެ. މިގޮތުން ހެޔޮކުރެވުނު އަގުތަކުގައި އެސްޓީއޯ ރީޖަނަލް ފިހާރަތަކުން މުދާ ރައްޔަތުންނަށް ލިބިގެންދާނެއެވެ. އެސްޓީއޯ ރަމަޟާން ބާޒާރު ކުރިއަށްދާނީ ޖޫން މަހުގެ 10 ވަނަ ދުވަހުގެ ނިޔަލަށެވެ.