އަންހެން ސިފައިންގެ ޚިދުމަތުން ފެނިގެންދަނީ ހަމަހަމަކަމާއި އަންހެނުންގެ ޤާބިލުކަން - ޑިފެންސް މިނިސްޓަރ

ދިވެހި އަންހެން ސިފައިގެން ޚިދުމަތާއެކު، ޤައުމުގެ ތަރައްޤީގައި ފިރިހެނުންނެކޭ އެއްފަދައިން އަންހެނުންގެ ޙިއްސާ ވަރަށް ބޮޑަށް ފެނިގެންދާކަމަށް މިނިސްޓަރ އޮފް ޑިފެންސް އަލްއުސްތާޛާ މާރިޔާ އަޙްމަދު ދީދީ ވިދާޅުވެއްޖެއެވެ. މިނިސްޓަރ މިހެން ވިދާޅުވީ އަންހެން ސިފައިގެން ޚިދުމަތަށް 30 އަހަރު ފުރުމުގެ މުނާސަބަތާ ގުޅުވައިގެން މީޑިއާއަށް ދެއްވި އިންޓަރވިއުއެއްގައެވެ.

ދިވެހިރާއްޖޭގައި އަންހެން ސިފައިންގެ ޚިދުމަތް ފަށާފައިވަނީ މީގެ 30 އަހަރު ކުރިން 1989 ވަނަ އަހަރުގެ މަރޗް މަހުގެ އެއްވަނަ ދުވަހުއެވެ.

އަންހެން ސިފައިންގެ ޚިދުމަތަށް 30 އަހަރު ފުރުމާ ގުޅޭގޮތުން މިނިސްޓަރ އޮޮފް ޑިފެންސް އަލްއުސްތާޛާ މާރިޔާ އަހްމަދު ދީދީ ދެއްކެވި ވާހަކަފުޅުގައި ވަނީ، އަސްކަރީ މަސައްކަތްކުގައި އަންހެނުން ހިއްސާވާންފެށުމަކީ، އަންހެނުންނަށް ލިބުނު ހަމަހަމަ ފުރުޞަތު ވަރަށް ބޮޑަށް ފެނިގެންދިޔަ ކަމެއްގެ ގޮތުގައި ސިފަ ކުރައްވާފައެވެ. އަދި މިއީ ޤައުމު ކުރިއަރުވައި، ޤަޢުމުގެ ސަލާމަތާއި ރައްކާތެރިކަން ކަށަވަރު ކުރުމުގައި އަންހެނުންގެ ހިއްސާ ވަރަށް ބޮޑަށް ފެނިގެންދާކަމެއްކަމަށްވެސް މިނިސްޓަރ ވިދާޅުވިއެވެ.

"އަންހެނުންގެ ބައިވެރިވުން އަސްކަރިއްޔާގައި ވަރަށް ބޮޑަށް އެބައޮތް. އަންހެނުންގެ އަޑުއަހައި އަންހެނުންގެ ޙިއްސާ މިދާއިރާގައި ބޮޑު. ފެންނަމުންދަނީ ފިރިހެނުންނާއި އެއްހަމައެއްގައި ތަފާތުކަމެއްނެތި މަސައްކަތްކުރަމުންދާތަން." މިނިސްޓަރ މާރިޔާ ވިދާޅުވިއެވެ.

ޑިފެންސް މިނިސްޓަރ މާރިއާ ވިދާޅުވީ ނިސްބަތުން އަންހެން ސިފައިން އިތުރުވެގެންދިއުމަކީ އަދިވެސް ވަރަށް ދެކެންބޭނުންވާ މައްޒަރެއްކަމަށެވެ. މިންތީގެ ތަފާތުކަމެއްނެތި މި ދާއިރާގައި އަންހެނުންނަށް ހަމަހަމަ ފުރުޞަތުތައް ހުރިކަން މިނިސްޓަރ ވަނީ ފާހަގަކުރައްވާފައެވެ.

މިނިސްޓާރ މާރިއާ ވިދާޅުވީ ސިފައިންގެ ވަޒީފާއާ ގުޅުމަށް ސްކޫލް ދައުރުންސުރެ ކުދިންގެ ހިތުގައި ޝައުގުވެރިކަން އުފެއްދުމަކީ ކުރުން މުހިންމު ކަމެއްކަމަށެވެ. މީގެ 30 އަހަރު ކުރިން ސިފައިންގޭގެ ވަޒީފާއާއި ގުޅުނު ކަނބަލުން މިހާރުވެސް މަސައްކަތް ކުރައްވާމުންދާކަން ފާހަގަކުރައްވައި، މިނިސްޓަރވަނީ ފުރަތަމަ މި ޚިދުމަތާއި ގުޅުނު އަންހެން ސިފައިންނާއި، މިހާރުވެސް މަސައްކަތް ކުރައްވަމުންގެންދަވާ އަންހެން ސިފައިންނަށް ދުވަހުގެ ތަޙުނިޔާ އަރިސްކުރައްވާފައެވެ.

އަންހެން ސިފައިންގެ ޚިދުމަތަށް 30 އަހަރު ފުރުމާ ގުޅިގެން ޗީފް އޮފް ޑިފެންސްފޯސް މޭޖަރ ޖެނެރަލް ޢަބްދުﷲ ޝަމާލް ވިދާޅުވީ ދިވެހި އަންހެން ސިފައިންނަކީ ހުޝިޔާރުކަމާއި، ސާބިތުކަމާއިއެކު ފިސާރި ކެރިގެން މަސައްކަތް ކުރައްވާ ފަރާތްތަކެއްކަމަށެވެ. އަދި ޖުމްލަކޮށް ސިފައިންގޭގެ ހުރިހާ ދާއިރާތަކުގައި އަންހެން ސިފައިންގެ ބައިވެރިވުން ފެނިގެންދާކަން ޗީފް އޮފް ޑިފެންސް ފޯސް ފާހަގަކުރެއްވިއެވެ.

"އަދި އަންހެން ސިފައިން ތިއްބެވީ މެނޭޖަރ ރޭންކްގައި. ނަމަވެސް އެއަށްވުރެ މައްޗައް ދިއުމުގެ ފުރުސަތު އެބައޮތް. މިހާރުވެސް އަންހެން ސިފައިން ގެންދަނީ ޑޮކްޓަރުން، ނަރުހުން، އިންޖިނިއަރ، އަރކިޓެކްޗަރ، ޓްތެރިނީ، ޓެކްނިކަލްއާއި އޮޕަރޭޝަން އެކި ލެވެލްގައި މަސައްކަތްތައް ކުރޭ" ޗީފް އޮފް ޑިފެންސް ފޯސް ވިދާޅުވިއެވެ.

ސިފައިންގެ ސްޕެޝަލް ފޯސަސްއާއި، މެރިން ދާއިރާާގައި އަންހެން ސިފައިން އަދި މަސައްކަތް ކުރަމުން ނުދިޔަނަމަވެސް، މި ދާއިރާތަކުގައި މަސައްކަތް ކުރުމުގެ ފުރުޞަތު އަންހެނުުންނަށް އޮތްކަންވެސް ޗީފް އޮފް ޑިފެންސް ފޯސް ވަނީ ފާހަގަކުރައްވާފައެވެ.

އަންހެން ސިފައިންގެ ޚިދުމަތަށް 30 އަހަރު ފުރުމާ ގުޅިގެން ވައިސް ޗީފް އޮފް ޑިފެންސް ފޯސް ބްރިގޭޑިއާ ޖެނެރަލް އަބްދުއްރަޙީމް އަބްދުއްލަތީފް ވިދާޅުވީ މި ދާއިރާއަށް އަދިވެސް ތަޢުލީމީ އަންހެންނުންގެ ޙިއްސާ ވަރަށް ބޮޑަށް ބޭނުންކަމަށެވެ. އެގޮތުންް އެކި ދާއިރާތަކުން ކުރިއަށް ދެވޭނެ ފުރުޞަތު ސިފައިންގެ ތެރެއިންވެސް ފަހިކޮށްދޭކަން އޭނާ ފާހަގަކުރެއްވިއެވެ.

"އަސްކަރީ ޚިދުމަތަކީ ޤައުމަށް އެންމެ މުހިންމު އެއް ޚިދުމަތް. އަންހެން ސިފައިންދަނީ މިދާިރާގައި ނަމޫނާ ދައްކަމުން. އަދިވެސް ސިހައިންގެ ދާއިރާތަކަށް އަންހެނުންގެ ޙިއްސާ ވަރަށް ބޮޑަށް ބޭނުން." ވައިސް ޗީފް އޮފް ޑިފެންސް ފޯސް ވިދާޅުވިއެވެ.

ރާއްޖޭގައި އަންހެން ސިފައިންގެ ޚިދުމަތް ފެށުމަށްޓަކައި އެކަމަށް ހުޅުވާލީ މީގެ 57 އަހަރު ކުރިން 1962ގައެވެ. ނަމަވެސް އަންހެން ސިފައިންގެ ޚިދުމަތް ދިވެހި އަސްކަރިއްޔާގައި އުފެދިގެންދިޔައީ 65 އަންހެން ސިފައިންނާއެކު 1989 ވަނަ އަހަރުގެ މާރޗު 1 ވަނަ ދުވަހުއެވެ. އެއީ 1988ވަނަ އަހަރުގެ ނޮޮވެމްބަރު މަހުގެ ތިނެއްގެ އުދުވާނީ ޙަމަލާއަށްފަހު، ޤައުމީ ސަލާމަތީ ކަންކަން ހަރުދަނާ ކުރުމުގެ ގޮތުން އޭރުގެ ސަރުކާރުން އެޅުއްވި ފިޔަވަޅަކާ ގުޅިގެންނެވެ.