އިމިގްރޭޝަނުންދޭ އެއްވެސް ޚިދުމަތަކާ ގުޅިގެން ރީލޯޑް ނުވަތަ ރާސްޓަސް ކުރަން އެއްވެސް ފަރާތަކަށް ނާންގާނެ- އިމިގްރޭޝަން
އިމިގްރޭޝަނުން ރައްޔިތުންނަށް ފޯރުކޮށްދޭ އެއްވެސް ޙިދުމަތަކާ ގުޅިގެން ރާސްޓަސް ނުވަތަ ރީލޯޑް ކުރުމަށް އެއްވެސް ފަރާތަކަށް ނާންގާނެކަމަށް މޯލްޑިވްސް އިމިގްރޭޝަނުން ބުނެފިއެވެ.
އިމިގްރޭޝަނުން ނެރެފައިވާ ނޫސްބަޔާނެއްގައި ބުނެފައިވަނީ އެ އިދާރާގެ ނަމުގައި އެކި ފަރާތްތަކާއި މުޢާމަލާތްކޮށް، ސައްޙަނޫން މަޢުލޫމާތު ފަތުރަމުންދާކަމުގެ ޝަކުވާ ލިބެމުންދާކަމަށެވެ. އަދި ދިވެހި ޕާސްޕޯޓާއި ގުޅުން ހުރި އެއްވެސް މައްސަލައެއްގައި މަޢުލޫމާތު ހޯދުމަށާއި، އިމިގްރޭޝަނުން ރައްޔިތުންނަށް ފޯރުކޮށްދޭ އެއްވެސް ޙިދުމަތަކާއި ގުޅިގެން ރާސްޓަސް ނުވަތަ ރީލޯޑް ކުރުމަށް އެއްވެސް ފަރާތަކަށް ނާންގާނެކަމަށްވެސް އިމިގްރޭޝަނުން ބުނެއެވެ.
އިމިގްރޭޝަނުން ނެރެނުނު ބަޔާނުގައި، ވަނީ އެއްވެސް މީހެއްގެ ޕާސްޕޯޓާ ގުޅޭ މަޢުލޫމާތެއް ހޯދުމަށް އިމިގްރޭޝަންގެ ނަމުގައި ގުޅައިފިނަމަ، އެއީ އިމިގްރޭޝަންގެ ނަމްބަރެއްތޯ ކަށަވަރު ކުރުމަށް އާއްމުންގެ ކިބައިން އެދިފައެވެ.