މަރާލާފައިވާ މީހުންނާއި، ގެއްލުވާލާފައިވާ މީހުންގެ މައްސަލަތައް ތަޙުޤީޤުކުރާ ކޮމިޝަނުގެ މެންބަރުކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ބޭފުޅަކު ޢައްޔަނު ކުރައްވައިފިއެވެ.
އެ ކޮމިޝަނަށް ޢައްޔަނުކުރައްވާފައިވަނީ، މއ. ގޯލްޑަންމޫން އަޙްމަދު ނާޝިދެވެ. އޭނާއަކީ ގިނަ އަހަރުތަކެއްވަންދެން ދިވެހިރާއްޖޭގެ ޤައުމީ ދިފާއީ ބާރާއި ފުލުހުންގެ އިދާރާގައި މަސައްކަތްކުރައްވާފައިވާ ބޭފުޅެކެވެ. އެގޮތުން މާރާލެވޭ މީހުންގެ މައްސަލަތައް ތަހުގީގުކުރާ އިސްވެރިޔާގެ ދައުރުވެސް އަޙްމަދު ނާޝިދު ކުރިން ވަނީ އަދާކުރައްވާފައެވެ.
އަޙްމަދު ނާޝިދު ވަނީ ކުށް ތަހުގީގުރުމުގެ ދާއިރާއިން ތާފާތު އެކި ތަމްރީނުތަށް ވެސް ހާސިލުކުރައްވާފައެވެ. މީގެ ތެރޭގައި އިންޑިޔާގެ ހައިދަރައާބާދުގައި ހުންނަ ސެންޓްރަލް ޑިޓެކްޓިވް ސްކޫލުން އެޑްވާންސްޑް ސައިންޓިފިކް މެތަޑްސް އޮފް ކްރައިމް އިންވެސްޓިގޭޝަން ކޯހާއި، ފްރާންސްގެ ލައިއޮންސްއިން އިންޓަރޕޯލް ނެޝަނަލް ސެންޓްރަލް ބިއުރޯ އޮފިސަރސް ޓްރެއިނިންގާއި، ސިންގަޕޫރާއި ޖަޕާނުން ކޮބަން ސިސްޓަމް އޮފް ޖަޕާން އެންޑް ނެއިބަރހުޑް ޕޮލިސް ޕޯސްޓް ސިސްޓަމާ ބޭހޭ ތަމްރީނުތައް ހިމެނެއެވެ.
މަރުގެ މައްސަލަތައް ތަޙުޤީޤުކުރާ ކޮމިޝަނަށް ބޭފުޅަކު ޢައްޔަނުކުރައްވާފައިމިވަނީ، ކުރިން އެ ކޮމިޝަންގައި ހިމެނިވަޑައިގަންނަވާ ޢަބްދުﷲ މުނާޒް މިދިޔަ މަހުގެ ފަންސަވީސްވަނަ ދުވަހު އެ މަޤާމުން އިސްތިޢުފާ ދެއްވުމާއި ގުޅިގެންނެވެ.