ހިތާމަވެރި ހާދިސާތަކުގައި ފަތުރުވެރިން މަރުވަމުންދާ މައްސަލައިގައި، ޤާނޫނާއި ޤަވާއިދުތައް އިސްލާހު ކުރާނެކަމަށް ޓޫރިޒަމް މިނިސްޓަރ އަލީ ވަހީދު ވިދާޅުވެއްޖެއެވެ.
ޓޫރިޒަމް މިނިސްޓަރ އަލީ ވަހީދު ކުރި ޓްވީޓެއްގައި ވިދާޅުވެފައިވަނީ ހިތާމަވެރި ހާދިސާތަކުން ރައްކާތެރިވުމަށްޓަކައި ހުރިހާ ފަރާތްތަކެއްގެ އެއްބާރުލުން ބޭނުންވާކަމަށެވެ. މިކަންކުރުމަށްޓަކައި ކުރިއަށް އޮތްތަނުގައި ޤާނޫޫނާއި ޤަވާއިދުތައް އިސްލާހްކުރާނެކަމަށާއި، ސަލާމަތާއި ރައްކާތެރިކަމަށްޓަކައި ކުރަންޖެހޭ ކަންކަން މި ސަރުކާރުން ކުރާނެކަމަށް މިނިސްޓަރ ވިދާޅުވިއެވެ.
ރާއްޖެއަށް ޗުއްޓީހޭދަކުރަން އަންނަ ފަތުރުވެރިން ހިތާމަވެރި ހާދިސާތަކުގައި މަރުވުމުގެ ހާދިސާތައް ކޮންމެވެސް ވަރަކަށް ހިންގައެވެ. ނަމަވެސް ފާއިތުވި ހަފްތާގައި ކައިރިކައިރީގައި މަރުގެ ހާދިސާތަކެއްވެސް ވަނީ ހިނގާފައެވެ. މި ހާދިސާތަކުގައި 4 ފަތުރުވެރިއަކު ވަނީ މަރުވެފައެވެ.