ރާއްޖޭގައި ހުންނަ ސްވިޑަންގެ އޮނަރަރީ ކޮންސުލްގެ މަޤާމަށް މަޝްހޫރު ޓީވީ ޕްރެޒެންޓަރ އަދި ޕީއެސްއެމްގެ ބޯޑު މެންބަރު މަރްޔަމް ވަހީދާ ޢައްޔަނުކުރައްވައިފިއެވެ.
ފޮރިންގ މިނިސްޓްރީގައި އޮތް ރަސްމިއްޔާތެއްގައި މަރްޔަމް ވަޙީދާ އެ މަޤާމަށް ހަމަޖެއްސެވުމަށްފަހު މަޤާމުގެ ފަތްކޮޅު ހަވާލުކޮށްދެއްވީ ފޮރިންގ މިނިސްޓަރ ޢަބްދުﷲ ޝާހިދެވެ. އޮނަރަރީ ކޮންސުލްގެ މަޤާމަށް މަރިޔަމް ވަޙީދާ ހަމަޖެއްސެވުމަށްފަހު ފޮރިންގ މިނިސްޓަރ ވަނީ އެކަމަނާގެ ޒިންމާތަކާއި، ރާއްޖެއާއި ސްވިޑަންގެ ގުޅުން ބަދަހިކުރާނެ ގޮތްތަކާ ގުޅޭގޮތުން މަޝްވަރާކުރައްވާފައެވެ.
ރައީސުލްޖުމްހޫރިއްޔާ އިބްރާހީމް މުޙައްމަދު ޞަލިޙް، މަރިޔަމް ވަޙީދާ ޕީއެސްއެމްގެ ގަވަރނިންގ ބޯޑު މެންބަރަކަށް ޢައްޔަނުކުރައްވާފައިވަނީ މިމަހުގެ ހަވަނަ ދުވަހުއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ