މި ހިނގާ ސަރުކާރުގައި ޖެންޑަރ މިނިސްޓްރީ ހިންގާފައިވަނީ އެއްވެސް ޕްލޭނިންއެއް ނެތިކަމަށް ޓްރާންސިޝަން ކޮމިޓީގައި ޖެންޑަރ މިނިސްޓްރީ ރިވިއުކުރި ސިދާތާ ޝަރީފް ވިދާޅުވެއްޖެއެވެ.
ޓްރާންސިޝަން ކޮނިޓީން ޖެންޑަރ މިނިސްޓްރީ ރިވިއުކުރުމަށްފަހު މީޑިއާއަށް މައުލޫމާތުދިނުމަށް ބޭއްވި ނޫސްވެރިންގެ ބައްދަލުވުމެއްގައި ވާހަކަދައްކަވަމުން ސިދާތާ ވިދާޅުވީ، ޖެންޑަރ މިނިސްޓްރީގައި އެކި މަސައްކަތްކުރުމަށް އެކި ސެކްޝަން ހުރިނަމަވެސް އެބައެއްގެ މަސައްކަތް ކުރުމަށް އެ ސެކްޝަންތަކަށް ފުރުސަތު ލިބިފައިނުވާކަމަށެވެ. އެގޮތުން ޕްލޭނިންގ އެންޑް ރިސާރޗް ޑިޕާރޓްމަންޓެއް އިންނަމެވެސް މުޅި މިނިސްޓްރީ ހިންގާފައިވަނީ އެއްވެސް ޕްލޭނިންއެއްނެތި ސިޔާސީ ފަރާތްތަކުން އިރުޝާދުދޭފަދަ ގޮތަކަށްކަމަށެވެ. މިހިނގާ ސަރުކާރުގައި އެންމެ ކުޑަ ބަޖެޓަކައި، އެންމެ ވަސީލަތް މަދުކޮށް ކަނޑައެޅިފައިއޮތީވެސް ޖެންޑަރ މިނިސްޓްރީއަށްކަން ޝިދާތާ ވަނީ ފާހަގަކޮށްފައެވެ.
މި ރިޕޯޓް ތައްޔާރުކޮށްފައިވަނީ ޖެންޑަރ މިނިސްޓްރީގެ މީހުންނާއި މަޝްވަރާކުރުމަށްފަހުކަމަށް ޓްރާންސިޝަން ކޮމިޓީން ބުނެއެވެ. މިނިސްޓްރީގެ މުވައްޒަފުން މަސައްކަތްކުރަމުންދަނީ އެންމެ އެކަށީގެންވާ މާހައުލުގައެއްގައިނޫންކަމަށާއި، މިނިސްޓްރީގެ ވަސީލަތްތައް ބެހިފައިވާއިރު އަތޮޅުތަކާއި މާލޭގެ ވަސީލަތްތައް ތަފާތު ބޮޑުކަން ވަނީ ފާހަގަކޮށްފައެވެ. އެގޮތުން އަތޮޅުތަކާއި، މާލޭގައިވެސް އެކަށީގެންވާ ޙިދުމަތްތަކާއި އަދި ޚިދުމަތްދޭނެ މީހުން މަދުކަން ވަނީ ފާހަގަކޮށްފައެވެ. މި ޕްރެސް ކޮންފަރެންސްގައި ޖެންޑަރ މިނިސްޓްރީއަށް ބޭރުގެ އެހީލިބިފައިވީނަމަވެސް އެ އެހީތައް އެދެވޭގޮތުގައި ބޭނުންކުރެވިފައިނުވާކަން ވަނީ ފާހަގަކޮށްފައެވެ.