މޯލްޑިވްސް ބޯޓިން އެވޯޑްސް 2018 އަށް ނަންހުށައެޅުމުގެ ފުރުސަތު ބަންދުވީއިރު އެވޯޑަށް ގިނަ ޢަދަދެއްގެ ފަރާތްތަކުން ނޮމިނޭޓްކޮށްފައިވާކަމަށް އެ އެވޯޑް އިންތިޒާމުކުރާ ލިވަބޯޑް އެސޯސިއޭޝަން އޮފް މޯލްޑިވްސްއިން ބުނެފިއެވެ.
މިމަހުގެ 5 ވަނަ ދުވަހު އެވޯޑަށް ނަން ނޮމިނޭޓު ކުރުމުގެ ސުންގަޑީ ހަމަވީއިރު 26 ދާއިރާއަކުން ކުންފުނިތަށް ނޮމިނޭޓްކޮށްފައިވާކަމަށް ލިވަބޯޑް އެސޯސިއޭޝަން އޮފް މޯލްޑިވްސްއިން ބުނެއެވެ.
މޯލްޑިވްސް ބޯޓިންގ އެވޯޑަކީ، ފަތުރުވެރިކަމުގެ ސިނާޢަތުގައި ޙަރަކާތްތެރިވާ ލިވަބޯޑްތަކަށް ޚާއްޞަ ކޮށްދެވޭ އެވޯޑެކެވެ. އެވޯޑަށް ހޮވޭ ފަރާތްތައް ކަނޑައަޅާނީ ފަނޑިޔާރުންގެ މާރކްސްއާއި، އޮންލައިން ކޮށްދޭ ވޯޓާއި، އެސްއެމްއެސްއިން ލިބޭ މާރކްސްއަށް ބަލައިގެންނެވެ. ވޯޓުލުމުގެ ފުރުޞަތު ނޮވެމްބަރ 5 އިން ޑިސެމްބަރ މަހުގެ 5 ގެ ނިޔަލަށް ހުޅުވާލާނެކަމަށް އެ އެސޯސިއޭޝަނުން ބުނެއެވެ.
މިދިޔަ އަހަރުގެ ބޯޓިން އެވޯޑް ތަފާތު 25 ކެޓެގަރީއަކުން 21 ފަރާތަކަށް ދީފައިވެއެވެ. މި އެވޯޑް ޙަފުލާގައި ދިން އެންމެ ޚާއްޞަ އެވޯޑަށް ބަލާއިރު، މިދާއިރާ ކުރިއެރުވުމަށް އެންމެ ފައިދާ ބޮޑު މަސައްކަތްތަކެއް ކޮށްފައިވާ ފަރާތްތަކަށް ދޭ، ބޯޓިން ޕާރސަނަލިޓީ އޮފް ދި އިޔަރ އެވޯޑް އަޙްމަދު ޒުބެއިރު އާދަމަށް ދިނުން ފާހަގަކުރެވެއެވެ.