ޖުމައިރާ ވިޓަވެލި ރިސޯޓުން ކޮންމެ އަހަރަކު ކުރިއަށްގެންދާ ލޭ ހަދިޔާކުރުމުގެ އަހަރީ ކޭމްޕް ބާއްވައިފިއެވެ.
އެ ރިސޯޓުން ބުނީ މިއީ ކޮންމެ އަހަރަކު އެ ރިސޯޓުގެ އެޗް.އާރު ޓީމާއި ބޮލި ކޮމިއުނިޓީ އިސްނަގައިގެން ބާއްވަމުން އަންނަ ހަރަކާތެއްކަމަށެވެ. ހޮނިހިރު ދުވަހުގެ ހެނދުނު 9 އިން ހަވީރު 5 ކަށް ބޭއްވި ލޭ ހަދިޔާކުރުމުގެ ހަރަކާތުގައި އަދާރަން ޕްރެސްޓީޖް ވާދޫގެ މުވައްޒަފުންވެސް ބައިވެރިވިއެވެ.
މިފަހަރުގެ ބުލަޑް ކޭމްޕުގައި 38 މީހުން ލޭހަދިޔާކޮށްފައިވާކަމަށް ޖުމައިރާ ވިޓަވެލި ރިސޯޓުން ބުނެއެވެ. އެއީ އަދާރަން ޕްރެސްޓީޖް ވާދޫ ރިސޯޓްގެ 18 މުވައްޒަފުންނާއި، ޖުމައިރާގެ 20 މުވައްޒަފުންނެވެ.
މި ކޭމްޕް ބައްވާފައި ވަނީ މޯލްޑިވިއަން ބުލަޑް ސަރވިސްއާއި ގުޅިގެންނެވެ. ޖުމައިރާއިން ކޮންމެ އަހަރަކުވެސް އަންނަނީ މުޖްތަމައުގައި ތިބި ލޭ ބޭނުންވާ މީހުންނަށް އެހީތެރިވެދިނުމުގެ ގޮތުން މި ބްލަޑް ކޭމްޕް ބާއްވަމުންނެވެ.