އައްޑޫ ސިޓީ މަރަދޫ- ފޮޓޯ: ގޫގްލް
އައްޑޫސިޓީގައި ރޭ ހިންގި މާރާމާރީގެ މައްސަލައިގެ ތުހުމަތުގައި 17 އަހަރުގެ ފިރިހެން ކުއްޖަކު ހައްޔަރުކޮށްފިއެވެ.
އައްޑޫ ސިޓީ މަރަދޫގައި ރޭ ހިނގި މާރާމާރީގައި 2 ޒުވާނަކު އެކިވަރަށް ޒަޚަމްވެފައިވާއިރު، މީގެ ތެރެއިން އެއް ޒުވާނެއްގެ ހާލު ސީރިސްއެވެ. އަދި އޭނާއަށް އިތުރުފަރުވާ ދިނުމަށްޓަކައި މާލެ ފޮނުވާލުމުގެ މަސައްކަތް ކުރަމުންދާކަމަށްވެސް ހިތަދޫ ރީޖަނަލް ހޮސްޕިޓަލުން މަޢުލޫމާތުދެއެވެ.
ފުލުހުން ބުނީ މި މައްސަލައިގައި ޢުމުރުން 17 އަހަރުގެ ފިރިހެން ކުއްޖަކު ހައްޔަރުކޮށްފައިވަނީ މަރަދޫއިން ފިލައިގެން ހުޅުމީދޫއަށް ގޮސްފައިވަނިކޮށް، ކޯޓު އަމުރެއްގެ ދަށުން ހުޅުމީދޫއިން ކަމަށެވެ. ނަމަވެސް އެކުއްޖާއާއި ބެހޭ އިތުރު ތަފްސީލް މަޢުލޫމާތެއް ފުލުހުން ހާމަކޮށްފައެއްނުވެއެވެ. ފުލުހުން ދަނީ މިމައްސަލަ ތަހުޤީޤު ކުރަމުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ