އެންރޭޖުން އިންތިޒާމްކޮށްގެން މާލޭގައި ބެލޫން ޓުވިސްޓިންގ ޝޯއެއް ބާއްވައިފިއެވެ. މާލޭ ހުޅަނގުދެކުނު ހާބަރު ފުޑްކޯޓްގައި ހުންނަ ކޮފީ ގުރިލްގައި ބޭއްވި މި ޝޯގައި އެކިކަހަލަ ފުއްޕާހަން ބޭނުންކޮށްގެން ތަފާތު ޑިޒައިންތަކަށް ތަކެތި ތައްޔާރުކުރާނެގޮތް ޢާންމުންނަށް ވަނީ ދައްކާލާފައެވެ. މި ޝޯ ހުށައަޅައިދީފައިވަނީ ނިއުޔޯކުގެ މިކަމުގެ ތަޖުރިބާކާރު މީހެކެވެ.
އެންރޭޖުގެ ފަރާތުން ޕީއެސްއެމް ނިއުސްއަށް މަޢުލޫމާތުދެއްވަމުން ނާޒިޔާ މުޙައްމަދު ވިދާޅުވީ، އެންރޭންޖުގެ ފަރާތުން އަބަދުވެސް ދިވެހިންނަށް މިފަދަ ތަޖުރިބާކޮށްލުމުގެ ފުރުސަތު ހޯދައިދޭކަމަށެވެ. އަދި ކުރިއަށްއޮތް ޚިތާނީ މޫސުމާ ދިމާކޮށް ބެލޫން ޓުވިސްޓިންގެ ޝޯތައް ގޭގެއަށްގޮސް ހުށައަޅައިދިނުމަށް ހަމަޖެހިފައިވާކަމަށާއި، އެ ޖަމިއްޔާއާގުޅިގެން ބުކިން ހެއްދުމުގެ ފުރުސަތު މިހާރު ހުޅުވާލެވިފައިވާކަމަށެވެ.
"ކުރިއަށް މިއޮތީ ޚިތާނީ ސީޒަން ވީމަ، އަޅުގަނޑުމެން ހަމަ ޕްރީ ބުކިން ނަގާފައި ހަމަ މިއާޓިސްޓުގެ ޝޯވތަށް ހަމަ ގެތަކަށް ހިތާނުކޮށްގެން އުޅޭއިރު އެސަރވިސްދޭން ޚިޔާލުކުރަން އެބަ. މިހާރުންސުރެ އަޅުގަނޑުމެންނަށް މެސެޖަކުން އަންގާލާދީފިއްޔާ ބުކްކުރެވޭނެ."
ނާޒިޔާ މުޙައްމަދު ވިދާޅުވިއެވެ.
މިދިޔަ ހަފްތާގައި އޮލިންޕަހުގައިވެސް އެންރޭންޖުން ވަނީ ބެލޫން ޓުވިސްޓިންގ ޝޯއެއް ބާއްވާފައެވެ. އެ ޖަމިއްޔާއިން މީގެކުރިން ވަނީ ނާރފް ފެސްޓިވަލްއެއްވެސް ބާއްވާފައެވެ. އަދި އަންނަ އަހަރުގެ ކުރީކޮޅުވެސް ނާރފް ފެސްޓިވަލްއެއްވެސް ބާއްވަން ތައްޔާރުވަމުން އަންނަކަމަށް އެ ޖަމްޢިއްޔާއިން ބުނެއެވެ.
އެންރޭންޖުން ބާއްވާ މިފަދަ ހަރަކާތްތަކަށް އާންމުންގެ ވަރަށް ބޮޑު ތަރުހީބެއް ލިބެމުންއަންނަކަމަށާއި، މިފަދަ ހަރަކާތްތައް އަތޮޅުތެރޭގައިވެސް ބޭއްވުމަށް ގަސްތުކުރާކަމަށް އެ ޖަމްޢިއްޔާއިން މައުލޫމާތުދެއެވެ.