ބަޔާން މިއުނިކްގެ ޗިލީ މިޑްފީލްޑަރު އަރްތޫރޯ ވިދާލް ބާސެލޯނާ އަށް ބަދަލުވެއްޖެއެވެ.
ހަތަރު އަހަރުގެ ކޮންޓްރެކްޓެއްގައި ގެނައި ކުޅުންތެރިޔާ ބާސެލޯނާގެ ޖާޒީގައި ދައްކާލާނީ އަދި ހައެއްކަ ދުވަސް ފަހުންނެވެ.
އުމުރުން މިހާރު 31 އަހަރުގެ ވިދާލްއަކީ މެދުތެރޭގައި ވަރުބަލިވުމެއްގެ ނެތި ކުޅޭ ވަރަށް ވަރުގަދަ މިޑްފީލްޑަރެކެވެ.
ޗިލީގެ ގައުމީ ޓީމަށް 100 މެޗު ކުޅެދީ 2015 ވަނަ އަހަރުގެ ކޮޕާ އެމެރިކާ ކާމިޔާބުކޮށްދީފައފައިވާ ވިދާލް ބާސެލޯނާއަށް ކުޅެން ނިންމީ އޭނާ ގަތުމަށް އިޓަލީގެ އިންޓަމިލާން ވެސް މަސައްކަތް ކުރަމުންދަނިކޮށެވެ.
ވިދާލް ވަނީ ބަޔާން މިއުނިކްގައި ކުޅުމަށް އޭނާ އަށް ކުލަބުން ފާއިތުވެދިޔަ އަހަރުތަކުގައި ފުރުސަތު ދީފައިވާތީވެ ޝުކުރު އަދާކޮށްފަ އެވެ.
"މުޅިން އާ ޗެލެންޖަކަށް އަހަންނަށް ފުރުސަތު ހޯދައިދިނީތީވެ ކުލަބަށް ޝުކުރު އަދާކުރަން،" ވިދާލް ބުނެފައިވެއެވެ.
އޭނާ އަށް ބަޔާން މިއުނިކުން ވެސް ވަނީ ޝުކުރު އަދާކޮށްފަ އެވެ.