ޝަރުޢީދާއިރާގެ ރަސްމީ މަސައްކަތު ގަޑިއަށް ބަދަލުގެނެސްފިއެވެ.
ޑިޕާރޓްމަންޓް އޮފް ޖުޑީޝަލް އެޑްމިނިސްޓްރޭޝަން (ޖޭއެސްސީ) އިން ޢާއްމުކޮށްފައިވާ ބަޔާނުގައި ވަނީ ބުނެފައިވަނީ މާދަމާއިން ފެށިގެން ޝަރުޢީދާއިރާގެ ރަސްމީ މަސައްކަތު ގަޑިއަކީ ހެނދުނު 8:00 އިން މެންދުރުފަހު 14:00 ކަމުގައެވެ.
މިގޮތަށް ހަމަޖެހުމާއި ގުޅިގެން ހުސްވަގުތުގެ ގޮތުގައި މިހާރު ދެމުންދާ 1 ގަޑިއިރުގެ ބަދަލުގައި ޤާނޫނު ނަންބަރު 2008/2 (ވަޒީފާއާއިބެހޭ ޤާނޫނު) ގެ 35 ވަނަ މާއްދާގައި ބަޔާންކޮށްފައިވާ ގޮތުގެ މަތިން ކޮންމެ މުވައްޒަފަކަށްވެސް މެންދުރުފަހު 12:00 އިން 13:00 އާއިދެމެދު 30 މިނެޓުގެ ހުސްވަގުތުކޮޅެއް ދޭންވާނެކަމަށް ބަޔާނުގައިވެއެވެ.
ޝަރުޢީދާއިރާގެ ރަސްމީ މަސައްކަތު ގަޑިއަށް ބަދަލު ގެނެވުނު ނަމަވެސް، ޝަރުޢީދާއިރާގައި ޑިއުޓީ އުޞޫލުން މަސައްކަތްކުރާ މުވައްޒަފުންގެ ރަސްމީ މަސައްކަތު ގަޑިއަކީ އެމުވައްޒަފަކު ޑިއުޓީކުރުމަށް ހަމަޖެހިފައިވާ ގަޑިކަމަށްވެސް ޖޭއެސްސީގެ ބަޔާނުގައި ބުނެފައިވެއެވެ.