ރަޝިޔާގެ ރައީސް ވްލަޑްމީރް ޕުޓިން ފަލަސްތީނުގެ ރައީސް މަޙްމޫދް އައްބާހާ ބައްދަލުކުރައްވައިފިއެވެ.
ހޮނިހިރު ދުވަހު، ރަޝިޔާގެ މޮސްކޯގައި ރިޔާސީ ގަނޑުވަރު ކްރެމްލިންގައި ބޭއްވި މި ބައްދަލުކުރެއްވުމުގައި ދެ ބޭފުޅުން ވަނީ، މެދުއިރުމަތީގެ ޙާލަތާމެދު މަޝްވަރާކުރައްވާފައެވެ. މީގެ އިތުރުން، ދެ ޤައުމުން ގުޅިގެން ކުރިއަށްގެންދާ ބައެއް މަޝްރޫޢުތަކާއި، ޓެލްއަވީވްގައި ހުރި އެމެރިކާގެ އެމްބަސީ ޤުުދުސަށް ބަދަލުކުރި މައްސަލައާ ބެހޭގޮތުންވެސް ޕުޓިން އާއި އައްބާސް މަޝްވަރާކުރައްވާފައިވެއެވެ.
ޕުޓިންއާއެކު މަޝްވަރާކުރައްވަމުން ޢައްބާސް ވަނީ، ފަލަސްތީނަށް މި ވަގުތު ކުރިމަތިވެފައިވާ އެންމެ ބޮޑު މައްސަލައަކީ އިސްރާއީލުން ފަލަސްތީނުގެ އިތުރު ބިންތަކުގައި މީހުން ވަޒަންވެރިކުރުމަށް ކުރަމުންދާ މަސައްކަތްތައްކަމަށެވެ.
ޢައްބާސް ވަނީ، މެދުއިރުމައްޗާމެދު އެމެރިކާގެ ރައީސް ޑޮނަލްޑް ޓްރަމްޕް ގެންގުޅުއްވާ ސިޔާސަތާ މެދު ކަންބޮޑުވުން ފާޅުކުރައްވާފައެވެ. މި ބައްދަލުވުން ބާއްވާފައިމިވަނީ ހޯމަ ދުވަހު، ޕުޓިން އާއި ޓްރަމްޕްގެ ސަމިޓު ކުރިއަށްގެންދިއުމަށް ނިންމާފައިވާ ދަނޑިވަޅެއްގައެވެ.