އެއްވެސް ކެމިކަލެއް ނެތި އުފައްދާފައިވާ ރީތިވުމަށް ބޭނުންކުރާ އުފެއްދުންތަކެއް ސްކިން ކޭންޑީން ތައާރަފްކޮށްފިއެވެ.
ސްކިން ކޭންޑީން އަލަށް ނެރުނު މި އުފެއްދުންތަތަކީ ދިވެހިންގެ ހަންގަނޑާއި ގުޅޭ މޫނުގެ ކުލަ އަލިކޮށްދޭ 2 ވައްތަރެއްގެ ފޭސް ކްރީމްއަކާއި، ނައިޓް މާސްކަކާއި، އައިރޯލް ފޭސް މާސްކެއްގެ އިތުރުން ފޭސް ވޮޝްއެކެވެ.
ސްކިންގ ކޭންޑީން ތައާރަފުކުރި އައު އުފެއްދުންތަކާއި ބެހޭގޮތުން މައުލޫމާތުދެއްވަމުން އެތަނުގެ ސީއީއޯ ލުބްނާ މުޙައްމަދު ޒާހިރު ހުސައިން ވިދާޅުވީ އަލަށް ތަރާރަފްކުރީ ކެމިކަލް ފްރީ ޤުދުރަތީ ތަކެތިން އުފައްދާފައިވާ އުފެއްދުންތަކެއްކަމަށެވެ. އަދި މި އުފެއްދުމުން މޫނުގެ ހަންގަނޑު އަލިކޮށްދީ މޫނުމަތީގައި ހުންނަ ލަކުނުތައް ފިލުވާލާނެކަމަށް ލުބްނާ ވިދާޅުވިއެވެ.
"ވައިޓްނިންގ ކޮލޭޖިންގ ޕްރޮޑަކްޓެއް އަސްލު ސްކިން ކޭންޑީން އުފެއްދީ މީގެ ޑިމާންޑް ރާއްޖޭގައި ބޮޑުކަމުން. އަޅުގަނޑުމެންގެ ކަސްޓަމަރުންގެ ފަރާތުން އަންނަ ރިކުއެސްޓްތަކާއި އެއްގޮތައް އަޅުގަނޑުމެން ޕްރޮޑަކްޓް ލައިން ބައްޓަން ކުރަމުން މިގެންދަނީ. ވައިޓްނިންގ ކޮލޭޖަން ޕްރޮޑަކްސް އަޅުގަނޑުމެން ރެކޮމެންޑް ކުރާނީ 18 އިޔާސް އިން މަތީގެ ބޭފުޅުން ބޭނުންކުރަން." ލުބްނާ ވިދާޅުވިއެވެ.
މާލެ ހުޅުމާލެ ވިލިމާލެއަށް އޯޑަރު ދިނުމުން މި އުފެއްދުންތައް ޑެލިވަރކޮށްދޭނެކަމަށް ސްކިން ކޭންޑީން ބުނެއެވެ. އަދި މީގެ އިތުރުން 7 އަތޮޅެއްގެ ވެރިކަންކުރާ ރަށުގައި ހުރި އެ ކުންފުނީގެ ޑިސްޓްރިބިއުޓާރސް މެދުވެރިކޮށް މި އުފެއްދުންތައް ލިބެން ހުންނާނެކަމަށްވެސް ސްކިން ކޭންޑީން ބުނެއެވެ
ސްކިން ކޭންޑީއަކީ ދިވެހިންގެ ހަންގަޑާއި ގުޅޭގޮތައް އުފެއްދުންތައް ތައްޔާރުކުރާ ދިވެހި ކުންފުންޏެކެވެ. މިތަނުގައި 400 އަށްވުރެ ގިނަ ރީތިވުމަށް ބޭނުންކުރާ އުފެއްދުންތައް މިހާރުވެސް އުފައްދަމުން އަންނަކަމަށް ސްކިން ކޭންޑީން ބުނެއެވެ. ރީތިވުމަށް ބޭނުންވާ އުފެއްދުންތައް އުފެއްދުމުގެ އިތުރުން ރީތިވުމަށް ބޭނުންވާ ތަފާތު ޙިދުމަތްތައްވެސް މިހާރު މިތަނުން އަންނަނީ ފޯރުކޮށްދެމުންނެވެ.