ރާއްޖޭގައި ބޭއްވޭ އެންމެ ބޮޑު މަސްރޭސް ކަމުގައިވާ އޫރިދޫ މަސްރޭހުގެ ފައިނަލްގައި ވާދަކުރާ ޓީމްތައް ކަށަވަރު ވެއްޖެއެވެ. މި ރޭހުގެ ތިންވަނަ ސެމީފައިނަލް ބުރު ނިމިފައިވާއިރު، ފައިނަލްގެ ފަހު ދެޖާގަ ކަށަވަރުކޮށްފައިވަނީ ޓީމް އެންޒީ އަދި ޓީމް އެޗް.ޑީ.ސީ އިންނެވެ.
ޓީމް އެންޒީއާއި ޓީމް އެޗް.ޑީ.ސީ ފައިނަލްގެ ފަހު 2 ޖާގަ ކަށަވަރުކުރީ ސެމީފައިނަލްގައި ޓީމް ކޯސްޓްލައިން އާއި ޓީމް ކޮންރެޑާ ވާދަކޮށްގެންނެވެ. އުރީދޫ މަސްރޭހުގެ ފައިނަލަށް ދަތުރުކުރި 6 ޓީމަކީ އެންޒީ، އެޗްޑީސީ، މަލަހިނި، ސްޓެލްކޯގެ އިތުރުން، މިލައިދޫ އަދި ތާޖް އެގްޒޯޓިކާއެވެ. އުރީދޫ މަސްރޭސް ފައިނަލް އިވެންޓް ބޭއްވުމަށް ހަމަޖެހިފައިވަނީ ފިޠުރުޢީދުގެ ޚާއްޞަ ޙަރަކާތްތަކާއިއެކު މިމަހުގެ 15 ވާ ހުކުރު ދުވަހުކަމަށް އުރީދޫއިން މަޢުލޫމާތުދެއެވެ.
މިއީ 2 އަހަރުގެ ދުވަހުގެ މެދުކެނޑުމަށްފަހު އަލުން އުރީދޫ މަސް ރޭސް ބާއްވާ ފުރަތަމަ ފަހަރެވެ. އެހެން އަހަރުތަކާ ތަފާތު ކޮށްލުމުގެ ގޮތުން މި ފަހަރުގެ ރޭހުގައި ބައިވެރިވުމުގެ ފުރުސަތު އުރީދޫއިން ދީފައިވަނީ ރާއްޖޭގައި ހިންގާ ކުންފުނިތަކާއި ރިސޯޓްތަކުގެ އިތުރުން ސަރުކާރު މުއައްސަސާތަކަށެވެ.