މާލޭގެ ފެނުގެ ވިއުގައިގެ އެމެޖެންސީ މަރާމާތުތަކެއް ބޮޑުތަކުރުފާނު މަގު މާލެ ޖަލު ހިމެނޭ ސަރަޙައްދުގައި ކުރަމުން ދަނިކޮށް މާލެ ވޯޓަރ އެންޑް ސުވަރޭޖު ކޮމްޕެނީ، އެމްޑަބްލިއުއެސްސީގެ މައި ފެން ހޮޅިއަށް ބޮޑެތި ގެއްލުންތަކެއް ވުމުގެ ސަބަބުން މާލޭގެ 6 ސަރަޙައްދަކުން ފެނުގެ ޚިދުމަތް ވަގުތީ ގޮތުން މެދުކެނޑިގެންދާނެ ކަމަށް އެމްޑަބްލިއުއެސްސީން ބުނެފިއެވެ.
އެމްޑަބްލިއުއެސްސީން މިރޭ ނެރުނު ނޫސްބަޔާނެއްގައި ބުނެފައިވަނީ ފެން ހޮޅިއަށް ލިބުނު ގެއްލުން ހައްލުކުރުމަށްޓަކައި އެ ކުންފުނީގެ ޓެކްނިކަލް ޓީމުން އެ ސަރަޙައްދުގައި މަސައްކަތް ކުރަމުންދާ ކަމަށެވެ.
ފެނުގެ ޚިދުމަތް މެދުކެނޑިގެންދާނެ ކަމަށް އެމްޑަބްލިއުއެސްސީން ބުނެފައިވާ ހަ ސަރަޙައްދަކީ:
• އަމީނީ މަގާއި މޫންލައިޓް ހިނގުމުގައި ހިމެނޭ ބްލޮކް ނަންބަރ 25
• އަމީނީ މަގާއި ރަތްވިލާހިނގުމުގައި ހިމެނޭ ބްލޮކް ނަންބަރ 54
• އަމީނީ މަގާއި ޖަނަވަރީހިނގުމުގައި ހިމެނޭ ބްލޮކް ނަންބަރ 55
• އަމީނީ މަގާއި އިރުދޭމާހިނގުމުގައި ހިމެނޭ ބްލޮކް ނަންބަރ 55
• ބޮޑުތަކުރުފާނު މަގު ހިމެނޭ ބްލޮކް ނަންބަރ 348، 352، 357 އަދި 358
• ބޮޑުތަކުރުފާނު މަގާއި މޫނިމާ ހިނގުން ހިމެނޭ ބްލޮކް ނަންބަރ 347 އަދި 346
އެމްޑަބްލިއުއެސްސީން ބުނީ މިރޭގެ ފަތިހު ފަހެއްގެ ކުރިން މިމައްސަލަ ޙައްލުކުރެވި އެސަރަޙައްދުތަކަށް ފެނުގެ ޚިދުމަތް އަލުން ގުޅައިދިނުމަށް އެކުންފުނިން މަސައްކަތް ކުރަމުންދާ ކަމަށެވެ. އަދި މިކަމުގެ ސަބަބުން ކަސްޓަމަރުންނަށް ދިމާވެދާނެ ދަތިތަކަށް އެ ކުންފުނީގެ ފަރާތުން ނިހާޔަތަށް މަޢާފަށް އެދޭ ކަމަށްވެސް އެ ކުންފުނިން ނެރުނު ނޫސްބަޔާނުގައިވަނީ ބުނެފައެވެ.