ގަރޭރޯ މެޗުގައި ލަނޑު ޖެހުމަށްފަހު އުފާފާޅުކުރަނީ: ފޮޓޯ-އޭޕީ
ކުޅިވަރުގެ މަނާބޭސް ބޭނުންކުރުމުގެ ކުށުގައި ފީފާއިން ސަސްޕެންޑްކޮށްފައި ހުރި ޕެރޫގެ ކެޕްޓަން ކުޅުމުގެ ހުއްދަ ދިނުމުން އެނބުރިއައިސް ކުޅުނު ފުރަތަމަ މެޗުގައި ދެ ގޯލު ޖަހައިފި އެވެ.
އޭނާ ދެ ގޯލު ޖެހީ އެކުވެރިކަމުގެ މެޗެއްގައި ރޭ ސައޫދީ އަރަބިއާ އަތުން 3-0 ން ޕެރޫ މޮޅުވި މެޗުގައެވެ.
ގަރޭރޯގެ ސަސްޕެންޝަން އުވާލައި އޭނާގެ މައްސަލަ އަލުން ބަލަން ފީފާއިން ނިންމީ ވޯލްޑް ކަޕުގައި ޕެރޫ ހިމެނޭ ގްރޫޕުގެ ޓީމުތައް ކަމަށްވާ އޮސްޓްރޭލިޔާ އާއި ފްރާންސް އަދި ޑެންމާކުގެ ކެޕްޓަނުން އެކަމަށް އެދި ފީފާ އަށް ސިޓީ ފޮނުވުމުންނެވެ.
ފުރަތަމަ ފަހަރަށް ވޯލްޑް ކަޕުގައި ކުޅެން ޕެރޫ ތައްޔާރުވާއިރު މިދިޔަ އަހަރުގެ ނޮވެމްބަރު މަހުގެ ފަހުން އެ ޓީމު އަދި ބައްޔެއްނުވެ އެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ