އޫރިދޫ މަސްރޭހުގެ ފައިނަލަށް ދަތުރުކުރި ފުރަތަމަ 2 ޓީމް ކަށަވަރުވެއްޖެއެވެ. ސެމީފައިނަލް ބުރު ނިމި، ޓީމް ސްޓެލްކޯއާއި ޓީމް މަލަހިނި ރިސޯޓް މިހާރުވަނީ ފައިނަލް ގެ ހަ ޖާގައިގެ ތެރެއިން ދެ ޖާގަ ކަށަވަރު ކޮށްފައެވެ.
ރޭ ބްރިޖް ވިއުއިންގ ޕްލެޓްފޯމް ގައި ކުރިއައް ދިޔަ ސެމީފައިނަލްގެ ފުރަތަމަ ބުރުގައި އިވެންޓުގައި ހަތަރު ޓީމެއް ވަނީ ވާދަ ކޮށްފައެވެ. އޭގެ ތެރޭގައި ޓީމް މަލަހިނި، ޓީމް ގްރޭޓާރ މާލެ، ޓީމް ޓުއަރިޒަމް ކްލަބް އަދި ޓީމް ސްޓެލްކޯ ހިމެނެއެވެ.
މިމުބާރާތުގެ ސެމީފައިނަލް ދެވަނަ އިވެންޓް ބާއްވާނީ މާދަމާކަމަށް އުރީދޫއިން ބުނެއެވެ. ބްރިޖް ވިއުއިންގ ޕްލެޓްފޯމްގައި ބޭވުމައް ހަމަޖެހިފައިވާ މިއިވެންޓް ގައި ފައިނަލްގެ ތިންވަނަ ޓީމް އަދި ހަތަރު ވަނަ ޓީމް ކަށަވަރު ވެގެން ދާނެއެވެ.
ސެމީފައިނަލް ދެވަނަ އިވެންޓުގައި ވާދަކުރުމައް ހަމަޖެހިފައިވަނީ ޓީމް މިލައިދޫ އައިލެންޑް މޯލްޑިވްސް , ޓީމް ތާޖް އެކްސޯޓިކާ، ޓީމް އެމްޕީއެލް އަދި ޓީމް ނަލަހިޔާ އެވެ.
މިއީ 2 އަހަރުގެ ދުވަހުގެ މެދުކެނޑުމަށްފަހު އަލުން އުރީދޫ މަސް ރޭސް ބާއްވާ ފުރަތަމަ ފަހަރެވެ. އެހެން އަހަރުތަކާ ތަފާތު ކޮށްލުމުގެ ގޮތުން މި ފަހަރުގެ ރޭހުގައި ބައިވެރިވުމުގެ ފުރުސަތު އުރީދޫއިން ދީފައިވަނީ ރާޢްޖޭގައި ހިންގާ ކުންފުނިތަކާއި ރިސޯޓްތަކުގެ އިތުރުން ސަރުކާރު މުއައްސަސާތަކަށެވެ.