އެސްޓީއޯއިން ވިއްކާ ޕެޓްރޯލާއި ޑީސަލްގެ އަގަށް ބަދަލު ގެނެސްފިއެވެ.
ދުނިޔޭގެ ބާޒާރުގައި ތެލުގެ އަގު އުފުލެމުން ދިއުމާއި ގުޅިގެން އެސްޓީއޯއިން ޕެޓްރޯލާއި ޑީސަލް ވިއްކާ އަގަށް މިގެނައި ބަދަލާއިއެކު މިހާރު ޑީސަލް ލީޓަރެއް ވިއްކަނީ 10 ރުފިޔާ 72 ލާރިއަށެވެ. އަދި ޕެޓްރޯލް ލީޓަރެއް ވިއްކަނީ 10 ރުފިޔާ 42 ލާރިއަށެވެ.
މި އަހަރުގެ ތެރޭގައި އެސްޓީއޯ އިން ވަނީ ތިންފަހަރެއްގެ މަތިން ތެލުގެ އަގަށް ބަދަލު ގެނެސްފައެވެ. އެންމެފަހުން މިދިޔަ މާޗް މަހުގެ ތެރޭގައި އެސްޓީއޯއިން ވަނީ ޑީސަލް ލީޓަރަކުން 20 ލާރި އަދި ޕެޓްރޯލް ލީޓަރަކުން 30 ލާރި ހެޔޮކޮށްފައެވެ.
ދުނިޔޭގެ ބާޒާރުގައި ތެލުގެ އަގު ބޮޑުވާ ނިސްބަތަށް ބަލާއިރު އެސްޓީއޯއިން ތެޔޮ ވިއްކާ އަގަށް އަބަދުވެސް ގެންނަނީ ކުޑަ ބަދަލެއް ކަމަށް އެސްޓީއޯއިން ބުނެއެވެ. އަދި މި ސަރަޙައްދުގެ އެހެން ޤައުމުތަކުގައި ތެޔޮ ކިއްވާ އަގާ އަޅާ ބަލާއިރު ރާއްޖޭގައި ތެޔޮ ވިއްކާ އަގު ހެޔޮކަން އެކުންފުނިން ފާހަގަަކުރެއެވެ.