ފަތުރުވެރިކަމުގެ ދާއިރާގައި މަސައްކަތްކުރާ ފަރާތްތަކަށް އަމާޒުކޮށްގެން ކޯޕަރޭޓް މޯލްޑިވްސް އެކަޑަމީ (ސީއެމްއޭ) އިން ބާއްވާ މޯލްޑިވްސް ހޮޓެލް ރެވެނިއު ސަމިޓްގައި ބައިވެރިވުމުގެ ފުރުސަތު ހުޅުވާލައިފިއެވެ.
ދާއިރާގައި ހަރަކާތްތެރިވާ ފަރާތްތަކަށް 10 މާރިޗުގެ ނިޔަލަށް ސަމިޓްގައި ބައިވެރިވުމުގެ ފުރުސަތު ވަނީ ހުޅުވާލާފައެވެ.
ސީއެމްއޭއިން ބުނީ ފަތުރުވެރިކަމުގެ ދާއިރާގައި ރަޖިސްޓްރީކޮށްފައިވާ ކުންފުނިތަކަށް މި ފޯރަމްގައި ބައިވެރިވުމުގެ ފުރުސަތު ހިލޭ ލިބިގެންދާނެކަމަށެވެ.
މޯލްޑިވްސް ހޮޓެލް ރެވެނިއު ސަމިޓް އޮންނާނީ މި މަހުގެ 24 ވަނަ ދުވަހުގައެވެ.
ސަމިޓް ބޭއްވުމުގެ މައިގަނޑު މަޤްސަދަކީ ފަތުރުވެރިކަމުގެ ދާއިރާގައި މަސައްކަތްކުރާ ފަރާތްތައް އެއް ތަނަކުން ބައްދަލުވެ، ދާއިރާއަށް ދިމާވެފައިވާ މައްސަލަތަކާއި، ރެވެނިއު ސެކްޓަރާ ބެހޭގޮތުން މަޝްވަރާކޮށް ޙިޔާލުބަދަލުކުރުމެވެ.
ކޯޕަރޭޓް މޯލްޑިވްސް އެކަޑަމީން މިދިޔަ މަހުގެ ތެރޭގައި ވަނީ، ވިޔަފާރި އާއި މާކެޓިންގ ދާއިރާގައި ހަރަކާތްތެރިވާ ފަރާތްތަކަށް ޢަމާޒުކޮށްގެން މޯލްޑިވްސް މާކެޓަރސް ފޯރަމްގެ ނަމުގައިވެސް ބައްދަލުވުމެއް ބާއްވާފައެވެ.
މޯލްޑިވްސް ހޮޓެލް ރެވެނިއު ސަމިޓްގައި ބައިވެރިވުމުގެ ފުރުސަތު ހުޅުވާލައިފިއެވެ.