ކުޅުދުއްފުށީ އެއަރޕޯޓް ހެދުމަށް ބޭނުންވާ ބިން ހިއްކާ ނިމިފައިވާކަމަށް އެމަސައްކަތުގެ ކޮންޓްރެކްޓަރ މޯލްޑިވްސް ޓްރާންޕޯޓް އެންޑް ކޮންޓްރެކްޓިންގކޮމްޕެނީއިން ބުނެފިއެވެ.
އެމްޓިސީސީން މަޢުލޫތިދޭގޮތުގައި މިދިޔަމަހުގެ 25ވަނަ ދުވަހުކުޅުދުއްފުށީ އެއަރޕޯޓް ހެދުމަށް ބޭނުންވާ ބިންހިއްކުމަށް ހުރިހާ މަސައްކަތެއްވަނީނިންމާފައެވެ. މި މަސައްކަތުގެ ދަށުން އެއަރޕޯޓް ހެދުމަށް އެރަށުން ވަނީ 15 ހެކްޓަރުގެބިން ހިއްކާފައެވެ. އެގޮތުން ހިއްކާފައިވަނީ އެރަށު ފަޅުން 6 ހެކްޓަރާއި، ކުޅިން 9ހެކްޓަރެވެ. ކުޅުދުއްފުށީ ކުޅި ހިއްކުމުގެ މަސައްކަތް ފަށާފައިވަނީ މިދިޔަ އަހަރުގެ ނޮވެމްބަރުމަހުގެ މެދުތެރޭގައެވެ. މި މަޝްރޫޢު އިފްފްތިތާޙްކޮށްދެއްވާފައިވަނީ ރަޢީސުލް ޖުމްހޫރިއްޔާ އަބްދުﷲ ޔާމީން އަބްދުލް ޤައްޔޫމެވެ.
މި މަޝްރޫޢުުގެ ދަށުން ބިން ހިއްކާ ސަރަޙައްދުގެ ޝޯ-ޕްރޮޓެކްޝާންގެ މަސައްކަތްތައްވެސް ޙަވާލުކޮށްފައިވަނީ އެމްޓީސީސީއާއެވެ. ބިން ހިއްކުމާއިޝޯ-ޕްރޮޓެކްޝަންގެ މަސައްކަތްތައް އެ ކުންފުންޏާއި ހަވާލުކޮށްފައިވަނީ 6 މަސްދުވަހުގެ ތެރޭގައި ނިންމުމަށެވެ.
ކުޅުދުއްފުށީގައި އެއަރޕޯޓް ހެދުމަށް ބިން ހިއްކާފައިވަނީ ބިން ހިއްކުމުގެމަސައްކަތް ފުޅާކުރުމަށްޓަކައި އެމް.ޓީ.ސީ.ސީން ބަނދެފައިވާ "މަހާޖައްރާފު" ބޭނުންކޮށްގެންނެވެ. މި ޑްރެޖަރަކީ އެއްފަހަރާ 3700 ކިއުބިކް މީޓަރުގެވެލި ބަރު ކުރެވޭވަރުގެ ޤާބިލުކަން ލިބިފައިވާ ޑްރެޖަރެކެވެ. މިއީ މަހާ ޖައްރާފްބޭނުންކޮށްގެން ކުރިއަށްގެންދިޔަ ބިންހިއްކުމުގެ ފުރަތަމަ މަޝްރޫޢެވެ.