އަންހެނުންނަށް ޙާއްސަ ކޮށްގެން ރާއްޖޭގައި ހުޅުވި ފުރަތަމަ ޑްރައިވިންގ ސުކޫލް، "ގާލްސް ޑްރައިވިންގ ސުކޫލް" ހުޅުވައިފިއެވެ. "ގާލްސް ޑްރައިވިންގ ސުކޫލް" ހުޅުއްވައިދެއްވީ މިރޭ އޮތް ރަސްމިއްޔާތެއްގައި މިނިސްޓަރ އޮފް ޔޫތް އެންޑް ސްޕޯޓްސް އިރުތިޝާމް އާދަމްއެވެ. މިރަސްމިއްޔާތުގައި ވާހަކަ ދައްކަވަމުން މިނިސްޓަރ އިރުތިޝަމް ވިދާޅުވީ ދިވެހި ކަނބަލުން ބާރުވެރިވާތަން މިހާރު ފެންނަމުންދާކަމަށެވެ. އެގޮތުން އަންހެނުން ބާރުވެރިކުރުމަށް ކުރަމުންދާ މަސައްކަތުގައި ދިވެހި ސަރުކާރާއި އަމިއްލަ ފަރާތްތަކުގެ ހިއްސާ ބޮޑުކަން މިނިސްޓަރ ފާހަގަކުރެއްވިއެވެ.
"ގާލްސް ޑްރައިވިންގ ސުކޫލް" އަކީ އަންހެން ބޭފުޅަކު އިސްނަންގަވައިގެން ހުޅުއްވި ސުކޫލެކެވެ. އަދި މިސްކޫލްގައި ލައިސަންސް ނަގައިދިނުމުގެ މަސައްކަތުގައި ހަރަކާތްތެރިވަނީވެސް އަންހެނުންނެވެ.
މި ސުކޫލްގައި އިންސްޓްރަކްޓަރުންގެ ގޮތުގައި މަސައްކަތްކުރަން ބޭނުންވާ އަންހެނުންނަށް އެ ފުރުސަތު އެބައޮތްކަމަށް ގާލްސް ޑްރައިވިންގ ސުކޫލުން މައުލޫމާތުދެއެވެ. މިތަނުން ކާރު އަދި ސައިކަލް ދުއްވަން ދަސްކޮށްދީ ލައިސަންސް ނަގައިދޭނެއެވެ.