މާލޭގެ މަގުތަކުގައި ފެންހެދޭ މައްސަލައަށް ހައްލެއް ގެނައުމަށް ކުރިޔަށްގެންދާ "ސްޓޯމް ވޯޓަރ މެނޭޖްމަންޓް ސިސްޓަމް"ގެ ހަތަރުވަނަ ފިޔަވަހީގެ މަސައްކަތް ކުރުމަށް ހައުސިންގ މިނިސްޓްރީން އެމް.ޑަބުލިއު.އެސް.ސީން ސޮއިކޮށްފިއެވެ. img:http://s2.psmnews.mv/images/660x400/14973694461977.jpg|ހައުސިންގ މިނިސްޓަރ ޑރ. މުޙައްމަދު މުޢިއްޒު - ފޮޓޯ: ޕީއެެސްއެމް / މުޙައްމަދު ވަޙީދު
މިއީ ދައުލަތުގެ ބަޖެޓުން 12.9 މިލިޔަން ރުފިޔާ ޚަރަދުކޮށްގެން ހިންގާ މަޝްރޫއެކެވެ. ކުރިޔަށް އޮތް 10 މަސްދުވަހުގެ ތެރޭގައި މުޅި ޕްރޮޖެކްޓްގެ މަސައްކަތް ނިމޭއިރު މާލޭގެ މަގުތަކުގައި ފެންހެދޭ މައްސަލައަށް ބޮޑު ހައްލެއް ލިބިގެންދާނެ ކަމަށް ހައުސިން މިނިސްޓަރ ޑރ މުޙައްމަދު މުޢިއްޒު ވިދާޅުވިއެވެ. tw:https://twitter.com/MWSC_Official/status/874568350231175168
ސްޓޯމް ވޯޓަރ މެނޭޖްމަންޓް ސިސްޓަމްގެ ނަމުގައި ފިޔަވަހިތަކަށް ބަހާލައިގެން ކުރިޔަށްގެންދާ މި މަސްރޫޢުގެ 2 ފިޔަވަހި މުޅިން ނިންމާ ތިންވަނަ ފިޔަވަހީގެ މަސައްކަތް ގެންދަނީ ކުރަމުންނެވެ. އަދި 4 ވަނަ ފިޔަވަހީގެ މަސައްކަތް ކުރުމަށް މިހާރު މި ވަނީ ސޮއިކޮށްފައެވެ. މި އެއްބަސްވުމުގައި ސޮއިކުރެއްވުމަށްފަހު މީޑިޔާއާއި ވާހަކަފުޅު ދައްކަވަމުން ހައުސިންގ މިނިސްޓަރ ޑރ. މުހައްމަދު މުޢިއްޒު ވިދާޅުވީ މާލޭގެ މަގުތަކުން ފެންހިންދުމަށް ކުރަމުންދާ މަސައްކަތުގެ ނަތީޖާ ފެންނަމުންދާ ކަމަށެވެ. އަދި މިހާރު ކުރަމުންދާ މަސައްކަތަކީ އެތެރޭގެ މަގުތަކުން އަމީނީ މަގަށް ފެން ޖަމާވިޔަނުދީ ޕަންޕް ސްޓޭޝަންތަކެއްގެ އެހީގައި ފެން ބޭރުކުރުމުގެ މަސައްކަތް ކަމަށެވެ. tw:https://twitter.com/MWSC_Official/status/874568476643409920
ސްޓޯމް ވޯޓަރ މެނޭޖްމަންޓް ސިސްޓަމްގެ 3 ވަނަ ފިޔަވަހީގެ މަސައްކަތް ކުރިޔަށްއޮތް 2 މަސްދުވަހުގެ ތެރޭގައި ނިމޭނެއެވެ. ސްޓޯމް ވޯޓަރ މެނޭޖްމަންޓް ސިސްޓަމްގެ 4 ވަނަ ފިޔަވަހީގެ މަސައްކަތް ނިންމަން ދީފައިވަނީ 240 ދުވަހުގެ މުއްދަތެވެ. މި އެއްބަސްވުމާއި ގުޅޭގޮތުން ވާހަކަ ދައްކަވަމުން އެމްޑަބުލިޔުއެސްސީގެ މެނޭޖިންގ ޑިރެކްޓަރ އިބްރާޙިމް ފަޒުލް ރަޝީދު ވިދަޅުވީ ފުރިހަމަކަމާއިއެކު މި މަސައްކަތް ނިންމާލުމުން އެކަމުގެ ފަސޭހަ އާންމު ރައްޔިތުންނަށް ލިބިގެންދާނެ ކަމަށެވެ. tw:https://twitter.com/MWSC_Official/status/874568563327082496
ސްޓޯމް ވޯޓަރ މެނޭޖްމަންޓް ސިސްޓަމްގެ 4 ވަނަ ފިޔަވަހީގެ ދަށުން 4 ޕަމްޕް ސްޓޭޝަން ޤާއިމްކުރެވިގެންދާނެއެވެ. tw:https://twitter.com/MWSC_Official/status/874568747939266560