ރާއްޖޭގައި ބޭއްވި އިންތިޚާބެއްގައި މީހަކު މާލޭގައި ބަހައްޓާފައިވާ ފޮށްޓަކަށް ވޯޓު ލަނީ / ފައިލް ފޮޓޯ: ޕީއެސްއެމް ނިއުސް
ލޯކަލް ކައުންސިލްތަކުގެ އިންތިޚާބުގެ 103 ދާއިރާއެއްގެ ވަގުތީ ޖުމްލަ ނަތީޖާ އިލެކްޝަންސް ކޮމިޝަނުން އިޢުލާން ކުރައްވައިފިއެވެ.
އިލެކްޝަންސް ކޮމިޝަނުން މިއަދުވަނީ ގިނަ ޢަދަދެއްގެ ރަށު ކައުންސިލްތަކާއި އަތޮޅު ކައުންސިލްތަކުގެ އިތުރުން ސިޓީ ކައުންސިލްތަކުގެ ބައެއް ދާއިރާތައްވެސް އިޢުލާން ކުރައްވާފައެވެ. މިރޭވެސް ގިނަ ކައުންސިލްތަކެއް ވަގުތީ ނަތީޖާ އިޢުލާން ކުރައްވާނެ ކަމަށް އެކޮމިޝަނުން މަޢުލޫމާތުދެއްވައެވެ. މިރޭ ނުވައެއް ޖަހާއިރު އިތުރު ދާއިރާތަކުގެ ނަތީޖާ އިޢުލާންކުރުމަށް ހަމަޖެހިފައިވެއެވެ.
ޖުމްލަ 1،487 ކެނިޑޭޓުން ވާދަކުރި މި އިންތިޚާބުގައި 664 ކައުންސިލަރުން އިންތިޚާބު ކޮށްފައިވެއެވެ. މި އަހަރުގެ ލޯކަލް ކައުންސިލްތަކުގެ އިންތިޚާބުގައި ޖުމްލަ 422 ވޯޓު ފޮށި ބަހައްޓާފައިވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ