މިދިޔަ ހޮނިހިރު ދުވަހު ބޭއްވި ލޯކަލް ކައުންސިލްތަކުގެ އިންތިޚާބުގެ 20 ކައުންސިލެއްގެ ޖުމްލަ ވަގުތީ ނަތީޖާ އިލެކްޝަންސް ކޮމިޝަނުން އިޢުލާން ކުރައްވައިފިއެވެ.
އެގޮތުން މިއަދު ވަނީ 14 ދާއިރާއެއްގެ ވަގުތީ ޖުމްލަ ނަތީޖާ އިޢުލާންކުރައްވާފައެވެ. އެ ކައުންސިލްތަކަކީ، ހއ.އުލިގަމު މ.މުލި، ކ.މާފުށި، ހުރާ، ހިންމަފުށި ތ.ވޭމަންޑޫ، އއ.އުކުޅަސް، ނ.ފޮއްދޫ، ލ.ހިތަދޫ އަދި މާލެ ސިޓީގެ މާފަންނު އުތުރު ދާއިރާ އާއި މާފަންނު ހުޅަނގު ދާއިރާއެވެ. މީގެ އިތުރުން އިއްޔެ ވަނީ 6 ދާއިރާއެއްގެ ރަށު ކައުންސިލްގެ ވަގުތީ ޖުމްލަ ނަތީޖާ އިޢުލާންކުރައްވާފައެވެ.
އެ ކައުންސިލްތަކަކީ، އދ. ކުނބުރުދޫ، އެއަތޮޅު ފެންފުށި، ރ.ފައިނުއެވެ. ޖުމްލަ އެއްހާސް ހަތަރު ސަތޭކަ އަށްޑިހަ ހަތް ކެނޑިޑޭޓުން ވާދަކުރި މިއިންތިޚާބުގައި ހަސަތޭކަ ފަސްދޮޅަސް ހަތަރު ކައުންސިލަރުން އިންތިޚާބު ކޮށްފައިވެއެވެ. މިއަހަރުގެ ލޯކަލް ކައުންސިލްތަކުގެ އިންތިޚާބުގައި ޖުމްލަ ހަތަރު ސަތޭކަ ބާވީސް ވޯޓު ފޮށި ބަހައްޓާފައިވެއެވެ. އިތުރު ދާއިރާތަކެއްގެ ވަގުތީ ނަތީޖާ މާދަމާވެސް އިޢުލާން ކުރައްވާނެކަމަށް އިލެކްޝަންސް ކޮމިޝަނުން ވިދާޅުވެއެވެ.