މިދިޔަ ހޮނިހިރު ދުވަހު ބޭއްވި ލޯކަލް ކައުންސިލްތަކުގެ އިންތިޚާބުގެ ޖުމްލަ ވަގުތީ ނަތީޖާ އިޢުލާންކުރަން އިލެކްޝަންސް ކޮމިޝަނުން ފަށްޓަވައިފިއެވެ.
އެގޮތުން އެކޮމިޝަނުން މިއަދު ހެނދުނު އެގާރަ ޖެހިއިރު އެންމެ ފުރަތަމަ ވަނީ ތިން ރަށެއްގެ ރަށު ކައުންސިލްގެ ވަގުތީ ޖުމްލަ ނަތީޖާ އިޢުލާންކުރައްވާފައެވެ. އެރަށްރަކަކީ، އދ. ކުނބުރުދޫ، އެއަތޮޅު ފެންފުށި އަދި ރ.ފައިނު ރަށު ކައުންސިލްއެވެ. ޖުމްލަ އެއްހާސް ހަތަރު ސަތޭކަ އަށްޑިހަ ހަތް ކެނިޑޭޓުން ވާދަކުރި މިއިންތިޚާބުގައި ހަސަތޭކަ ފަސްދޮޅަސް ހަތަރު ކައުންސިލަރުން އިންތިޚާބު ކޮށްފައިވެއެވެ.
މިއަހަރުގެ ލޯކަލް ކައުންސިލްތަކުގެ އިންތިޚާބުގައި ޖުމްލަ ހަތަރު ސަތޭކަ ބާވީސް ވޯޓު ފޮށި ބަހައްޓާފައިވެއެވެ. އިތުރު ދާއިރާތަކުގެ ވަގުތީ ޖުމްލަ ނަތީޖާ މެންދުރު ފަހު އިޢުލާންކުރައްވާނެކަމަށް އިލެކްޝަންސް ކޮމިޝަނުން ވިދާޅުވެއެވެ.