ފުލުހުން ހިންގި އޮޕަރޭޝަނެއްގައި އަތުލައިގަނެފައިވާ މަސްތުވާތަކެތި - ފައިލް ފޮޓޯ: ޕޮލިސް
ބައިކިލޯގެ މަސްތުވާތަކެއްޗާއެކު އިންޑިއާގެ ބެންގަލޫރުން ދިވެއްސަކު ހައްޔަރުކޮށްފިއެވެ.
ބެންގަލޫރުގެ ނާކޮޓިކްސް ކޮންޓްރޯލް ބިއުރޯއާއި ހަވާލާދީ އިންޑިއާގެ ނޫސްތަކުގައި ބުނެފައިވަނީ، މަސްތުވާތަކެއްޗާއި އެކު ޙައްޔަރުކޮށްފައިވަނީ ޢުމުރުން 35 އަހަރުގެ މުޙައްމަދު އަނިލް ނަމަކަށް ކިޔާ ދިވެއްސެއް ކަމަށެވެ. އަދި މިމިހާ އަތުލައިގެންފައިވަނީ ނައިޖީރިއާ މީހަކާއި ގުޅިގެން މަސްތުވާތަކެތި ވިއްކުމަށް މަސައްކަތްކުރަމުން ދަނިކޮށްކަމަށްވެސް އިންޑިއާ ނޫސްތަކުން ބުނެއެވެ.
ބެންގަލޫރްގެ ނާކޮޓިކްސް ބިއުރޯ ހިންގި އޮޕަރޭޝަންގައި ދިވެހި މީހާއާއި އެކު ނައިޖީރިއާ މީހަކު ހައްޔަރުކޮށްފައިވާކަމަށްވެސް އިންޑިއާ ނޫސްތަކުން ބުނެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ