ބޭ އޮފް ބެންގާލްގައި އުފެދިފައިވާ ތޫފާނުގެ އަސަރު ރާއްޖެއަށް ކުރަމުން ނުދާކަމަށް ރާއްޖޭގެ މޫސުމާބެހޭ ޤައުމީ އިދާރާއިން ވިދާޅުވެއްޖެއެވެ. މިހާރު ރާއްޖެއަށް ކުރަމުން މިދާ ވިއްސާރައަކީ އެތޫފާނާ ގުޅިގެން ކުރަމުންދާ ވިއްސާރަ ނޫންކަމަށްވެސް އެ އިދާރާއިން ވިދާޅުވެއެވެ.
ރާއްޖޭގެ މޫސުމާބެހޭ އިދާރާއިން ވިދާޅުވާ ގޮތުގައި ރާއްޖޭގެ ސަރަޙައްދަށް މިހާރު ކުރަމުން މިދަނީ ހުޅަނގު މޫސުމާއި އިރުވައި މޫސުމުގެ ދެމޫސުން ބެދޭ ދުވަސްވަރު ޢާންމުކޮށް ކުރާ ވިއްސާރައެވެ. މި ވަގުތު ކުރަމުންދާ ވިއްސާރައަކީ ބާރުގަދަ ވިއްސާރައެއް ނޫނަކްމަށް އެއިދާރާއިން ވިދާޅުވެއެވެ.
މޫސުމާބެހޭ ޤައުމީ އިދާރާއިން ވިދާޅުވީ، ރާއްޖޭގެ ހުރިހާ ހިސާބަކަށްވެސް ކުރިއަށް އޮތް ދެ ދުވަހުވެސް ކެރީގެ އަސަރު ކުރާނެކަމަށް ލަފާކުރެވޭ ކަމަށެވެ. އެ އިދާރާއިން ވިދާޅުވީ، ބޭ އޮފް ބެންގާލްގައި އުފެދިފައިވާ ތޫފާނުގެ އަސަރު ރާއްޖެއަށް ކުރަމުން ނުދާކަމަށާއި، މިހާރު ކުރަމުންމިދާ ވިއްސާރައަކީ އެތޫފާނާއި ގުޅިގެން ކުރަމުންދާ ވިއްސާރައެއް ނޫންކަމަށެވެ.
މި ވިއްސާރައިގައި މިހާތަނަށް ކަނޑުމަތީގެ އެއްވެސް ޙާދިސާއެއް ހިނގައިގެން ރިޕޯޓް ކޮށްފައިނުވާ ކަމަށް ސަލާމަތީ ބާރުތަކަށް ވިދާޅުވެއެވެ. މިހާރު ކުރަމުންދާ ވިއްސާރައިގެ އަސަރު ރާއްޖޭގެ ބޮޑު ބަޔަކަށް ދަނީ ކުރަމުންނެވެ. މޫސުމާބެހޭ ޤައުމީ އިދާރާއިން ލަފާކުރައްވާ ގޮތުގައި ކުރިއަށް އޮތް 24 ގަޑިއިރު މެދު ރާއްޖެތެރެއާއި ދެކުނުގެ އެކި ހިސާބަށް ވިއްސާރަ ކުރާނެ ކަމަށާއި މި ވިއްސާރައިގައި ގުގުރުންވެސް އެކަށީގެންވާ ކަމަށް އެއިދާރާއިން ވިދާޅުވެއެވެ.
އުތުރުގެ ބައެއް ރަށްތަކަށް ކެރީގެ އަސަރު ފޯރާނެ ކަމަށް އެ އިދާރާއިން ލަފާކުރައްވައެވެ. މިގޮތުން އުތުރުގެ އަތޮޅުތަކަށް ހުޅަނގާއި ހުޅަނގު އުތުރުން ގަޑިއަކު 6 މޭލާއި 16 މޭލާ ދެމެދުގެ ބާރުމިނުގައި އަދި އެހެން ހިސާބުތަކަށް ހުޅަނގުދެކުނާއި ހުޅަނގުން ގަޑިއަކު 08 މޭލާއި 18 މޭލާ ދެމެދުގެ ބާރުމިނުގައި ވައިޖެހޭނެ ކަމަށް މޫސުމާބެހޭ އިދާރާއިން ލަފާކުރައްވައެވެ. އަދި ވިލާގަނޑުގައި ގަޑިއަކު ގާތްގަނޑަކަށް 40 މޭލަށް ވައި ގަދަވުމަކީ އެކަށިގެންވާ ކަމެއްކަމަށްވެސް އެ އިދާރާއިން ލަފާކުރައްވައެވެ.