އަމިއްލަ ޖަމިއްޔާއަކުން އިސްނަގައިގެން ވިލިމާލެ ސާފުކުރުމުގެ ޕްރޮގްރާމެއް މިއަދު ބާއްވައިފިއެވެ.
ސޭވް ދަ ބީޗް އޮގަނައިޒޭޝަންއިން ''ވިލިމާލެ ކްލީންއަޕް 2016'' ގެ ނަމުގައި ކުރިޔަށް ގެންދިޔަ މި ޕްރޮގްރާމްގައި ވިލިމާލޭގެ ބީޗް ސަރަޙައްދާއި މަގުތަކުގެ އިތުރުން އެކިއެކި ސަރަޙައްދުތަށް ސާފުކޮށްފައިވެއެވެ. މިފަދަ ޕްރޮގްރާމްތަށް ކުރިއަށް ގެންދިއުމުގެ ސަބަބުން ކުނި އަޅާ މިންވަރު މަދު ކަމަށާއި، މި ޕްރޮގްރާމްގެ މައިގަނޑު މަޤްސަދަކީ ވިލިމާލެ ރައްޔިތުން ވިލިމާލޭގެ އެކި ސަރަޙައްދުތަކަށް ކުނިއެޅުން މަދުކުރުމަށް ބާރުއެޅުން ކަމަށް ސޭވް ދަ ބީޗް އޮގަނައިޒޭޝަންގެ ޗީފް އެގްޒެކެޓިވް ޙަސަން އަޙްމަދު ވިދާޅުވިއެވެ.
މި ޕްރޮގްރާމަކީ ކޮންމެ އަހަރަކުވެސް ސޭވް ދަ ބީޗްއިން އިސްނަގައިގެން ކުރިއަށްގެންދާ ޕްރޮގްރާމެކެވެ. މިއަހަރުގެ މި ޕްރޮގްރާމްގައި ވިލިމާލޭ ހޮސްޕިޓަލާއި ވިލިމާލޭގެ ރައްޔަތުންގެ އިތުރުން އެކިއެކި ފަރާތްތަކުން ބައިވެރިވެފައިވެއެވެ.