ޚަބަރު
ފުރަންދިޔަ މީހާގެ އަތުން ފެނުނީ ވަޒަނެއްގެ ދޯރި
-
މިކަން ހިނގީ މިއަދު ވެލާނާ އިންޓަރނޭޝަނަލް އެއާޕޯޓުގައި
-
ފުލުހުން ދަނީ އިތުރަށް ތަޙުޤީޤު ކުރަމުން
ވެލާނާ އިންޓަރނޭޝަނަލް އެއަރޕޯޓު، ވީއައިއޭގެ ޓާރމިނަލް 1 / ފޮޓޯ ޕީއެސްއެމް ނިއުސް
ވީއައިއޭ އައު ޓަރމިނަލް / ފޮޓޯ: އެމްއޭސީއެލް
އެއާޕޯޓަށް ފުރަން ދިޔަ ދިވެއްސެއްގެ އަތުން ފެނުނީ ވަޒަނެއްގެ ހުސް ދޯރިއެއް ކަމަށާއި މި މައްސަލައިގައި މީހަކު ހައްޔަރު ނުކުރާކަމަށް ފުލުހުން ވިދާޅުވެއްޖެއެވެ.
ފުރަން ދިޔަ މީހެއްގެ އަތުގައި ވަޒަނެއް އޮތްކަމަށް ރިޕޯޓްކުރި މައްސަލައެއް ފުލުހުން ވަނީ ބަލާފައެވެ.
ފުލުހުން ވިދާޅުވީ، މިއަދު ހެނދުނުގެ ވަގުތެއްގައި ވެލާނާ އިންޓަރނޭޝަނަލް އެއާޕޯޓުގެ ޑޮމެސްޓިކް ޓާމިނަލުން ފުރަން ގޮސް ހުރި ދިވެހި ފިރިހެނެއްގެ އަތުން ފެނުނީ ވަޒަނެއްގެ ހުސް ދޯރިއެއް ކަމަށެވެ.
އަދި މި މައްސަލައާ ގުޅިގެން މީހަކު ފުލުހުންގެ ބެލުމުގެ ދަށަށް ގެނެސްފައި ނުވާކަމަށެވެ.
މި މައްސަލަ ފުލުހުން ގެންދަނީ އިތުރަށް ތަޙުޤީޤު ކުރަމުންނެވެ.