ޚަބަރު
ރާއްޖެއާ ކައިރި ހިސާބަކަށް 6.1 މެގްނިޓިއުޑްގެ ބިންހެލުމެއް
-
ބިންހެލުން އައީ އިންޑޮނޭޝިއާގެ އުތުރު ސުމާޓްރާއަށް
-
ރާއްޖެއަށް ސީދާ އަސަރެއް ނުކުރާނެ
ބިން ހެލުން އައިސްފައިވާ ހިސާބު: ފޮޓޯ/ މޫސުމާ ބެހޭ ޤައުމީ އިދާރާ
ރާއްޖެއާއި ކައިރިން އިންޑޮނީޝިއާއަށް 6.1 މެގްނިޓިއުޑްގެ ބާރުގަދަ ބިންހެލުމެއް އައިސްފައިވާ ކަމަށް މޫސުމާ ބެހޭ ޤައުމީ އިދާރާއިން ވިދާޅުވެއްޖެއެވެ.
މި ބިންހެލުން އައިސްފައިވަނީ، މާލެއާއި 2،581 ކިލޯމީޓަރު ދުރުން، އިންޑޮނީޝިއާގެ އުތުރު ސްމާޓްރާއަށް ކަމަށް މޫސުމާ ބެހޭ ޤައުމީ އިދާރާއިން ވިދާޅުވިއެވެ.
ބިންހެލުން އައިސްފައިވަނީ މިއަދު ހެނދުނު 09:56 އެހާކަށްހާއިރުއެވެ. މި ބިންހެލުން އައިސްފައިވަނީ މާލެ ސިޓީއާއި 2،581 އެއްހާ ކިލޯމިޓަރު ދުރުން ކަމަށާއި، ބިންހެލުމާ ގުޅިގެން ރާއްޖެއަށް ސީދާ އަސަރެއް ނުކުރާނެ ކަމަށް މޫސުމާ ބެހޭ ޤައުމީ އިދާރާއިން ވިދާޅުވިއެވެ.