އެވަޓަންއާއި ލީޑްސްގެ ކުރިމަތިލުމަށް ހަމަހަމަ ނިމުމެއް

އިނގިރޭސި ޕްރިމިއަރ ލީގުގައި ލީޑްސް ޔުނައިޓެޑާއި އެވަޓަން ބައްދަލުކުރި މެޗު އެއްވަރުވެގެން ނިމިއްޖެއެވެ.

އެވަޓަންގެ ހިލް ޑިކްސަން ސްޓޭޑިއަމުގައި ކުޅުނު މި މެޗު ނިމުނީ 1-1 ގެ ނަތީޖާއަކުންނެވެ.

ވާދަވެރި ކުޅުމެއް ފެނިގެންދިޔަ މި މެޗުގައި ދެ ޓީމުން ވެސް ވަނީ ލަނޑުޖަހާނެ ފުރުސަތުތަކެއް ތަނަވަސްކޮށްފައެވެ.

މެޗުގައި ގިނަވަގުތު ބޯޅަ ހިފަހައްޓައިގެން ކުޅުނީ އެވަޓަން އިންނެވެ. އެހެންނަމަވެސް މެޗުގައި ގިނަ ހަމަލާތަކެއް އުފައްދައި، އޮން ޓާގެޓަށް ގިނަ ހަމަލާ އުފެއްދީ ލީޑްސް ޔުނައިޓެޑުންނެވެ.

މެޗުގައި ފުރަތަމަ ލަނޑުޖަހައި ލީޑުނެގީ ލީޑްސްއިންނެވެ. ފުރަތަމަ ހާފުގެ 28 ވަނަ މިނެޓުގެ ތެރޭގައި މި ލަނޑު ޖަހައިދީ ލީޑްސްއަށް ލީޑުނަގައިދިނީ ޖޭމްސް ޖަސްޓިންއެވެ.

ލީޑުގައި އޮވެ ލީޑްސްއިން މެޗުގެ ބޮޑުބައެއް ކުޅުނުއިރު، އެވަޓަން އިން މެޗުގެ ނަތީޖާ ހަމަހަމަކުރީ ދެވަނަ ހާފުގައި، މެޗުގެ 76 ވަނަ މިނެޓުގައެވެ. މި ލަނޑު އެޓީމަށް ކާމިޔާބުކޮށްދިނީ ތިއާނޯ ބެރީއެވެ.

މި ނަތީޖާއާއެކު އެވަޓަން އިން ވަނީ ތާވަލުގެ ހަތްވަނައަށް ކުރިއަށް ޖެހިލަން ލިބުނު ފުރުސަތު ނަގާލާފައެވެ. މިވަގުތު އެވަޓަން އޮތީ 23 މެޗުން 33 ޕޮއިންޓާއެކު ތާވަލުގެ 10 ވަނައިގައެވެ. ލީޑްސް އަށް 23 މެޗުން 26 ޕޮއިންޓާއެކު ލިބެނީ ތާވަލުގެ 16 ވަނައެވެ.