އިންޓަރނޭޝަނަލް އިންސްޓިޓިއުޓް އޮފް އިސްލާމިކް ތޯޓްގެ ފަރާތުން ދިވެހިރާއްޖޭގެ އިސްލާމިކް ޔުނިވަރސިޓީއަށް، ޕީ.އެޗް.ޑީއަށް ކިޔެވުމަށް 4 ސްކޮލަރޝިޕް ފުރުޞަތު ދީފިއެވެ.
އިސްލާމިކް ޔުނިވަރސިޓީގެ އެކަޑަމިކް ސްޓާފުންނާއި ޔުނިވަރސިޓީގެ ސީނިއަރ މެނޭޖްމަންޓްގެ ފެންވަރު މަތިކުރުމުގެ ގޮތުން ދީފައިވާ މި ސްކޮލަރޝިޕްގެ ފުރުސަތުތަކުގެ ދަށުން ކިޔެވުމަށް ހަމަޖެހިފައިވަނީ، މެލޭޝިޔާގެ އިންޓަރނޭޝަނަލް އިސްލާމިކް ޔުނިވަރސިޓީގައިކަމަށް އިސްލާމިކް ޔުނިވަރސިޓީން އިން ވިދާޅުވެއެވެ. މިފުރުޞަތުތަކުގައި ހިމެނޭ ދާއިރާތަކަކީ، އިސްލާމިކް ސްޓަޑީޒް، އެޑިޔުކޭޝަން އަދި އިސްލާމިކް ޔުނިވަރސިޓީ އިން ކަނޑައަޅާ ދާއިރާއަކުންނެވެ.
tw:https://twitter.com/IUM_official/status/773552778551537664
މިފުރުޞަތުތަކުގައި ކިޔަވާ ދަރިވަރުންނަށް ކޯހުގެ ފީގެ އިތުރަށް ޕޮކެޓް މަނީ ލިބޭނެ ކަމަށް އިސްލާމިކް ޔުނިވަރސިޓީން އިން ވިދާޅުވިއެވެ. އިންޓަރނޭޝަނަލް އިންސްޓިޓިއުޓް އޮފް އިސްލާމިކް ތޯޓަކީ މެލޭޝިޔާގެ އިންޓަރނޭޝަނަލް އިސްލާމިކް ޔުނިވަރސިޓީ އުފައްދައި ތަރައްޤީކުރުމުގައި މުހިއްމު ދައުރެއް އަދާކޮށްފައިވާ މުއައްސަސާއެކެވެ.