ދިރާގު ދިވެހި ޕްރިމިއަރ ލީގުގައި ކުލަބު ވެލެންސިޔާ ބަލިކޮށް ބުރު ސްޕޯޓްސް ކުލަބުން ލީގުގެ ހަތަރު ވަނައިގަ ފުރަތަމަ ބުރު ނިންމާލައިފިއެވެ.
މިހަފްތާގަ އީގަލްސް ކުޅުނު މެޗުން މޮޅުނުވެވުމުން ބުރުން ހަތަރު ވަނައަށް ޖެހިލީ އީގަލްސް އަށް ވުރެން އެއް ޕޮއިންޓު އިތުރަށް ހޯދައިގެން 14 ޕޮއިންޓާއެކުވެ.
ރަސްމީ ބޯޅަ ދަނޑުގައި ކުޅުނު މެޗު ފަށައިގެން ބުރުން ވަނީ އެޓޭކް ކުރަން ފަށާފައެވެ. ހަވަނަ މިނިޓުގައި ބުރުގެ އަރީން އަބްދުﷲ އިބްރާހިމް ފޮނުވާލި ބޯޅަ އަމާޒުވީ ގޯލުގެ ހުރަސް ދަނޑިއަށެވެ.
މެޗުގެ ފުރަތަމަ ހާފުގައި ލިބުނު ހަމައެކަނި ފުރުސަތުން ވެލެންސިޔާ ލަނޑު ޖެހިއިރު މި ލަނޑަކީ އެޓީމަށް ލިބުނު ކޯނަރެއްގައި ކެޕްޓަން އީތަން އިބްރާހިމް ޒަކީ ނަގައިދިނުމުން ހުސްކޮށް ހުރެ ފުންމައިގެން އަރާ އޭރިޔާތެރެއިން އަހުމަދު އަތުވާން އަލީ ބޮލުން ވައްދާލި ލަނޑެކެވެ.
މި ލަނޑަށްފަހު ބުރުގެ އެޓޭކްތަށް ނުރައްކާ ވެގެންދިޔައިރު ގިނަ ހަމަލާތަކެއް އެޓީމުން ވަނީ ވެލެންސިޔާގެ ގޯލަށް އަމާޒުކޮއްފައެވެ. 33 ވަނަ މިނިޓުގައި އޭރިއާ ތެރެއިން ބުރު ކުޅުންތެރިޔަކު ފޮނުވާލި ބޯޅައއެއް އެޓީމުގެ ބިދޭސީ ފޯވާޑް ހުޑްސަން ޑިއަސް ފޮނުވާލަން މަސައްކަތް ކުރުމުން ކީޕަރު ވަނީ ބޯޅަ އަތުލާފައެވެ.
ބުރުން ނަތިޖާ ހަމަހަމަ ކުރީ މެޗުގެ 44 ވަނަ މިނިޓުގައި ވެލެންސިޔާ ޕެނެލްޓީ އޭރިއާ ބޭރުން ފޮނުވާލި ބާރު ހަމަލާ ގޯލުގެ ދުރުކަނަށް ވައްދާލައިގެންނެވެ. ބުރުން މި މެޗުގައި ލީޑު ނެގީ 66 ވަނަ މިޓުގައި އަރީން އެރިއާ ތެރެއަށް ވަދެ ނަގައިދިން ބޯޅައެއް މުހައްމަދު ނާއިމް ގޯލުގެ ތެރެއަށް ވައްދާލައިގެންނެވެ.
ބުރުގެ ތިންވަނަ ލަނޑަކީ ހަމްދާން އޭރިއާ ތެރެއަށް ވަދެ ފޮނުވާލި ބޯޅައެއް ގޯލަށް ވައްދާލައިގެން ކާމިޔާބު ކުރި ލަނޑެކެވެ. މި ލަނޑު ހަމްދާން ކާމިޔާބު ކުރީ މެޗުގެ 69 މިނިޓުގައެވެ.
ބުރުން ހަތަރުވަނަ ލަނޑު ކާމިޔާބު ކުރީ މެޗުގެ 78 ވަނަ މިނިޓުގައި ނާއިމް އޭރިއާ ތެރެއަށް ވަދެ ކާމިޔާބު ކުރި ލަނޑުންނެވެ. މެޗު ނމެމުން ދަނިކޮށް ވެލެންސިޔާ އީތަން ވެސް އޭރިޔާ ތެރެއަށް ވަދަ ބުރު ގޯލަށް ނުރައްކާ ކޮއްފައެވެ.
މިއީ މި ލީގުގައި ވެލެންސިޔާ ބަލިވި ހަވަނަ މެޗެވެ.