ޚަބަރު
މޫނު ނިވާކޮށްގެން ތިބިބަޔަކު، ވީއައިއޭއިން ފައިސާހުރި ސޫޓްކޭހެއް ފޭރިގެންފި
-
މިމައްސަލަ ފުލުހުންނަށް ރިޕޯޓްކޮށްފައިވަނީ ރޭފަތިހު 4:25 ހާއިރު
ވެލާނާ އިންޓަރނޭޝަނަލް އެއަރޕޯޓުގެ އައު ޕަސެންޖަރ ޓަރމިނަލް / ފޮޓޯ: ޕީއެސްއެމް ނިއުސް
މޫނުނިވާކޮށްގެން ތިބިބަޔަކު، ވީއައިއޭއިން ފައިސާހުރި ސޫޓްކޭހެއް ފޭރިގެންފިއެވެ.
ފުލުހުން ވިދާޅުވީ ވެލާނާ އިންޓަރނޭޝަނަލް އެއާޕޯޓް ޓާމިނަލް އެކަކަށް ވަންނަން ދިޔަ ބޭންކެއްގެ 2 މުވައްޒިފެއްގެ އަތުން ފައިސާ ހުރި ސޫޓް ކޭހެއް، މޫނު ނިވާކޮށްގެން ތިބި ބަޔަކު ފޭރިގަނެފައިވާކަމަށެވެ.
މިމައްސަލަ ފުލުހުންނަށް ރިޕޯޓްކޮށްފައިވަނީ ރޭފަތިހު 4:25 ހާއިރުކަމަށް ފުލުހުން ވިދާޅުވެއެވެ. ސޫޓު ކޭހުގައި ހުރީ ކިހާ ފައިސާއެއް ކަމެއް އަދި ހާމަކޮށްފައި ނުވެއެވެ.
މިމައްސަލަ ފުލުހުން ގެންދަނީ ތަހުގީގް ކުރަމުންނެވެ.