ޚަބަރު

ކުޅުދުއްފުށި ސިޓީގައި ރޭސިންއަށް ހާއްސަ މަގުތަކެއް ހަދައިދޭނަން: ރައީސް


ކުޅުދުއްފުށި ސިޓީގައި ރޭސިންއަށް ހާއްސަ މަގުތަކެއް ހަދައިދިނުމަކީ ސަރުކާރުގެ ޕްލޭނެއް ކަމަށާއި އެކަން ހަނދާން ނުނެތޭކަމުގެ ޔަޤީންކަން ރައްޔިތުންނަށް އަރުވާކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

ރައީސުލްޖުމްހޫރިއްޔާ މިހެން ވިދާޅުވީ ނިމިގެންދިޔަ ހަފްތާގައި ހދ އަތޮޅަށް ކުރެއްވި ދަތުރުފުޅުގެ ތެރެއިން ކުޅުދުއްފުށި ސިޓީއަށް ވަޑައިގެން އެ ސިޓީގެ ރައްޔިތުންނާއި ބައްދަލުކުރައްވާ ދެއްކެވި ވާހަކަފުޅުގައެވެ.

ރައީސް ވިދާޅުވީ ކުޅުދުއްފުށި ސީޓީގެ މަގު ހެދުމުގެ 3 ވަނަ ފިޔަވަހި ކުރިޔަަށްދާއިރު ބައެއް މަގުތައް ރޭސިންއަށް ހާއްސަ ކުރައްވާނެ ކަމަށެވެ.

މިއަހަރުގެ ބަޖެޓުގައި ހިމެނޭ ސްކޯޕާއި އެއްވަރަށް ކުޅުދުއްފުށި މަގު ހެދުމުގެ ތިންވަނަ ފިޔަވަހީގެ މަސައްކަތް މިހާރު ވަނީ ހަވާލުކުރެވިފަ ކަމަށް ރައީސް ވިދާޅުވިއެވެ.

އަދި އަންނަ އަހަރުގެ ބަޖެޓުގައި ހިމަނައިގެން ތިން ވަނަ ފިޔަވަހީގެ މަގުހެދުން ކުރިޔަށްދާއިރު ކައުންސިލާއި ރޭސިންގެ ކަމާބެހޭ ފަރާތްކާއި މަޝްވަރާ ކޮށްގެން ރޭސިންއަށް ބޭނުން ކުރެވޭ ގޮތަށް ބައެއް މަގުތައް ޑިޒައިން ކުރައްވާނެ ކަމަށް ރައީސް ވިދާޅުވިއެވެ.