އުފެއްުންތެރި ވިސްނުން އެކުލެވޭ، ޝައުޤުވެރި ފުޅަނދުތައް ފެންނާނެ

މިނިވަން ދުވަހުގެ މުނާސަބަތުގެ ރަސްމީ ޕްރޮގްރާމްގައި ހިމެނޭ ފުޅަނދުބުރު މިރޭ ބާއްވަވާނެއެވެ.

ފުޅަނދުބުރު ފެއްޓެވުމަށް ހަމަޖެހިފައިވަނީ، މާފަންނު ރަސްފަންނު ކައިރިން މަޖީދީމަގުންނެވެ.

img:http://s2.psmnews.mv/images/660x400/14696208401920.jpg|ފުޅަނދުބުރު ބާއްވާ މަގުތައް-

ފުޅަނދުބުރު ދަތުރުކުރާނީ، މަޖީދީމަގުން އިރަށްގޮސް، ސޯސަންމަގުން އުތުރުރަށް ގޮސް، މެދުޒިޔާރަތްމަގުން ހުޅަނގަށް ގޮސް، ޝަހީދު ޢާދަމް ނަޞީރު ހިނގުމުން ދެކުނަށްގޮސް، އަމީރު އަޙްމަދު މަގުން ހުޅަނގަށް ގޮސް، ޖުމްހޫރީ ހިނގުމުން އުތުރަށް ބޮޑުތަކުރުފާނު މަގަށް އަޅައިގެން އިރަށްގޮސް ހެންވޭރުން ކުރީގެ ސޯމިލް ކައިރިން އަޅައިގެން ބޮޑުތަކުރުފާނުމަގުން ދެކުނަށްގޮސް، ތަސްކަލޫސާ ކައިރިން އަޅައިގެން ގޮސް، މޫންލައިޓް ހިނގުމުން ދެކުނަށްގޮސް، ދަރުބާރުގޭގެ އިރުން އޮންނަ ގޯޅިންގޮސް ބޮޑުތަކުރުފާނު މަގަށް އަޅައިގެން މާފަންނު ޓްރެކް ސަރަޙައްދަށް ނިންމާގޮތަށެވެ.

img:http://s3.psmnews.mv/images/660x400/14696206244535.jpg|މިނިވަންދުވަހުގެ ފުޅަނދުބުރުގައި ބައިވެރިކުރުމަށް އެމްއޭސީއެލް އިން ތައްޔާރުކޮށްފައިވާ ފުޅަނދެއް-

ފުޅަނދު ބުރު ދަތުރުކުރާ މަގުތަކަށް ގިނަޢަދަދެއްގެ ބަޔަކު ނިކުންނާނެތީ، މޯލްޑިވްސް ޕޮލިސް ސަރވިސްއިން މަގުތައް ބަލަހައްޓަވަމުން ގެންދަވާނެކަމަށް ހޯމް މިނިސްޓްރީން ވިދާޅުވެއެވެ. އަދި ފުޅަނދުބުރަށް ދަތިނުވާގޮތަށް ދުއްވާ އެއްޗެހީގެ ދަތުރުތައް އިންތިޒާމްކުރެއްވުމުގެ މަސައްކަތްވެސް ފުލުހުން ކުރައްވާނެއެވެ.