އެމް.ޑަބްލިއު.އެސް.ސީ އީން ރީސައިކަލް ކުރި ހުސްފުޅިތަކުގެ މަތިތައް ބޭނުން ކޮށްގެން، ތައްޔާރު ކުރި މިއުރަލް ޢާއްމުންނަށް ފެންނަ ގޮތައް ބަހައްޓައިފިއެވެ.
ރީސައިކަލް ކުރި ފުޅިތަކުގެ މަތިތައް ބޭނުންކޮށްގެން ކުންފުނީގެ މުވައްޒަފުން ތައްޔާރުކުރި މި މިއުރަލް އާއްމުންނަށް ފެންނާނެހެން ބަހައްޓާފައިވަނީ، ފެން ބިލްޑިންގްގެ ކަންމަތީގައެވެ.
ދިވެހި ރާއްޖޭގެ ކަނޑުތަކާއި ކުދި ރަށްތަށް ތަޞްވީރު ކުރެވޭ ގޮތައް މިފަދަ ކުރެހުމެއް ނުވަތަ މިއުރަލްއެއް ތައްޔާރު ކުރުމުގެ ބޭނުމަކީ، ރާއްޖޭގެ ތިމާވެއްޓާއި ދިވެހި ފަސްގަނޑު ހިމާޔަތް ކުރުމުގެ މުހިންމުކަން ދައްކައިދިނުން ކަމަށް އެމް.ޑަބްލިއު އެސް.އީގެ މެނޭޖިންގް ޑިރެކްޓަރ ފަޒުލް ރަޝީދ ވިދާޅުވިއެވެ.
ތިމާވެށި ހިމާޔަތްކުރުމާއި ،ރީސަލްއިކަލް ކުރުމަށް އާއްމުން ހޭލުންތެރި ކުރުވުމުގެ ގޮތުން "ރިވެތި ރާއްޖެ، މަގޭ ރާއްޖެ" މި ޝިއާރުގެ ދަށުން މުޅި އަހަރުތެރެއަށް ބަހާލައިގެން އެމް.ޑްބްލިއު.އެސް.ސީން ދަނީ ޙަރަކާތްތަކެއް ހިންގަމުންނެވެ. އެކުންފުނީގެ ރީސައިކަލް ޕްރޮގްރާމަކީ، އައިލޭންޑް ބެވަރޭޖެސް މޯލްޑިވްސްއާއި ގުޅިގެން 2013 ވަނަ އަހަރުން ފެށިގެން ކުރިޔަށްގެންދާ ޕްރޮގްރާމެކެވެ.
އެކުންފުނީގެ ޢާއްމު އިޖްތިމާޢީ ޒިންމާގެ ދަށުން ކުރިޔަށްގެންދާ މި ޕްރޮގްރާމްގެ ދަށުން، ގޭގެއިން ޙަވާލުކުރާ ހުސްފުޅި ޝެޑް ކުރުމަށްފަހު، ރީސައިކަލް ކުރަމުންދެއެވެ. މިއީ ހުދާއި،ފެހި އަދި ނޫކުލައިގެ މަތިގަނޑުން ފަރުމާކުރެވިފައިވާ މިއުރަލް އެކެވެ.