އިސްލާމީ ތަޢުލީމުގެ ދާއިރާއިން ގުޅުން ބަދަހިކުރުމާ ގުޅޭގޮތުން ކުވޭތާއެކު މަޝްވަރާކޮށްފި

އިސްލާމީ ތަޢުލީމުގެ ދާއިރާއިން އެއްބާރުލުން އިތުރުކުރުމާ ގުޅޭގޮތުން ކުވޭތާއެކު މަޝްވަރާކުރައްވައިފިއެވެ. މި މަޝްވަރާތައް ކުރައްވާފައިވަނީ ޚާރިޖީ ވަޒީރު ޑރ.ޢަބްދުالله ޚަލީލް މިހާރު ކުވެއިތަށް ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިންނެވެ.

ޚާރިޖީ ވަޒީރު ޑރ.ޢަބްދުالله ޚަލީލް ކުވެއިތަށް ކުރައްވަމުންގެންދަވާ ދަތުރުފުޅުގެތެރެއިން އެޤައުމުގެ މިނިސްޓަރ އޮފް އެންޑޯމަންޓްސް އެންޑް އިސްލާމިކް އެފެއާޒް ޑރ. މުޙައްމަދު އިބްރާހީމް މުޙައްމަދު އަލް-ވަސްމީއާއެކު ބޭއްވެވި ބައްދަލުކުރެއްވުމުގައި، ދީނީ ކަންކަމާއި އިސްލާމީ ތަޢުލީމުގެ ދާއިރާއިން އެއްބާރުލުން އިތުރުކުރެވިދާނެ ގޮތްތަކާއި ބެހޭގޮތުން ވަނީ މަޝްވަރާކުރައްވާފައެވެ.

Foreign Minister @abkhaleel met with the Minister of Endowments and Islamic Affairs of Kuwait Dr. Mohammed Ibrahim Mohammed Al Wasmi.

Both Ministers discussed avenues for enhancing cooperation in religious affairs and Islamic education. pic.twitter.com/6LM2pKGzcc

— Ministry of Foreign Affairs 🇲🇻 (@MoFAmv) May 15, 2025

ޚާރިޖީ ވަޒީރު ކުވެއިތަށް ކުރައްވާ ރަސްމީ ދަތުރުފުޅަކީ އެ ޤައުމުގެ ޚާރިޖީ ވަޒީރު ޢަބްދުﷲ ޢަލީ އަލް ޔަހްޔާގެ ދައުވަތަކަށް ކުރައްވާ ދަތުރުފުޅެކެވެ.

ވަޒީރު ޚަލީލުގެ މި ދަތުރުފުޅުގައި ކުވެއިތުގެ ޚާރިޖީ ވަޒީރާ ބައްދަލުކުރައްވައި، ދެ ޤައުމުގެ ދެމެދު އުފެދިފައިވާ ޒަމާންވީ އަޙުވަންތަ ކަމުގެ ގުޅުން އިތުރަށް ހަރުދަނާކުރުމަށް ކުރެވިދާނެ ކަންތައްތަކާ ބެހޭގޮތުން ވަނީ މަޝްވަރާކުރައްވާފައެވެ. އަދި ދިވެހިރާއްޖޭގެ ތަރައްޤީގެ މަޝްރޫޢުތަކަށް ބޭނުންވާ އެހީ ހޯދުމާގުޅޭގޮތުންވެސް މި ބައްދަލުވުންތަކުގައި މަޝްވަރާކުރެވިފައިވާކަމަށް ޚާރިޖީ ވުޒާރާއިން ވިދާޅުވިއެވެ.

Foreign Minister Dr. Khaleel holds bilateral discussions with the Foreign Minister of Kuwait

📃 Press Release | https://t.co/r7gFJNun1j pic.twitter.com/ErgYK6huVj

— Ministry of Foreign Affairs 🇲🇻 (@MoFAmv) May 13, 2025

ވަޒީރުގެ މި ދަތުރުފުޅުގައި ކުވޭތުގެ މިނިސްޓަރ އޮފް ފައިނޭންސް އަދި މިނިސްޓަރ އޮފް ސްޓޭޓް ފޮރ އިކޮނޮމިކް އެފެއާޒް އެންޑް އިންވެސްޓްމަންޓް ޑރ. ނޫރާ ސުލައިމާން ސާލިމް އަލް-ފައްސާމްއާވެސް ވަނީ ބައްދަލުކުރައްވާފައެވެ.

މި ބައްދަލުކުރެއްވުމުގައި ވަޒީރު ވަނީ ރާއްޖޭގެ މިހާރުގެ މާލީ ހާލަތުގެ އިތުރުން އިޤްތިޞާދީ ކުރިއެރުންތަކާއި ބެހޭ މަޢުލޫމާތު ހިއްސާކުރައްވާފައެވެ. އަދި މާލީ ދާއިރާއިން ދެ ޤައުމުގެ ދެމެދުގައި އޮންނަ ގުޅުން އިތުރަށް ބަދަހިކުރުމަށް ކުރެވިދާނެ ކަންތައްތަކާ ބެހޭގޮތުން ވަނީ މަޝްވަރާކުރައްވާފައެވެ.

FM @abkhaleel met with the Minister of Finance and Minister of State for Economic Affairs and Investment of Kuwait, Dr. Noura Suleiman Salem Al-Fassam.

Foreign Minister briefed on the current fiscal situation and highlighted the positive trajectory of economic developments. pic.twitter.com/RXtO1IPZjL

— Ministry of Foreign Affairs 🇲🇻 (@MoFAmv) May 14, 2025

ވަޒީރު 3 ދުވަހަށް ކުވޭތަށް ކުރައްވާ ދަތުރުފުޅުގައި ދެ ޤައުމުގެ ދެމެދުގައި ވިޔަފާރީ އާއި އިންވެސްޓްމަންޓްގެ ދާއިރާއިން ގުޅުން ބަދަހިކުރުމާއި ރާއްޖެއަށް ކުވޭތުގެ އިންވެސްޓްމަންޓްތައް އިތުރުކުރުމަށް މަޝްވަރާކުރެއްވުމަށްވެސް ވަނީ ހަމަޖެހިފައެވެ.

ކުވޭތަކީ ދިވެހިރާއްޖޭއަށް ތަރައްޤީގެ ތަފާތު އެކި މަޝްރޫޢުތަކަށް އެހީތެރިވެދޭ ޤައުމެކެވެ. މިގޮތުން ވެލާނާ އިންޓަރނޭޝަނަލް އެއަރޕޯޓް ތަރައްޤީ ކުރުމުގެ މަޝްރޫޢަށް ކުވޭތް ފަންޑުގެ އެހީ ވަނީ ލިބިފައެވެ. އަދި ދިވެހިރާއްޖޭގެ ސިއްޙީ ދާއިރާއަކީ އެ ޤައުމުން އެންމެ ބޮޑަށް އެހީތެރިކަން ފޯރުކޮށްދޭ އެއް ދާއިރާއެވެ.